تداول رواد التواصل الاجتماعي مقطع فيديو مدته 3 دقائق، أثار غضب الكثيرين، وظهرت خلاله امرأة مسنة، تستغيث بالمسؤولين لاسترداد حقها من ابنتيها، اللائي أهملن علاجها والاعتناء بها منذ سنوات طويلة.
تفاصيل استغاثة المسنة
وخلال الفيديو، الذي حصد 53 ألف مشاهدة حتى الآن، ظهرت الأم المسنة وهي تجلس على سرير داخل غرفة نوم بأحد المنازل، وبدأت في الكشف عن تفاصيل القسوة التي تتعرض لها من ابنتيها، وهي في حالة انهيار تام من البكاء، ' يا جماعة حد يجيلي هنا ويشوف اللي أنا فيه، أنا في عذاب من بنتيني مرمطوني ويروحوا يقولوا للناس نادر ابني اللي مانعهم من زيارتي لكن هما بتوع قالوا وقولنا.
وتابعت: بناتي رموني على أخوهم وأنا بين الحياة والموت دلوقتي، لكن ربنا ما يوريني فيهم يوم حلو ولا في عيالهم ولا في بيوتهم، قلبي من جوا غضبان عليهم، أنا مش مسامحاهم لآخر يوم لأن محدش بيعمل كده في أمه، أنا معملتش فيهم حاجة وحشة أنا كنت مولعة لهم صوابعي شمع، كنت بديهم اللقمة من بوقي، لكن أول ما وقعت واتكسرت رموني على الواد، وكان بيجري بيا على الدكاترة وأقول معلش أديني بجري على رجلي.
وواصلت: من وقت ما اتكسرت من 7 سنين، قالوا لأخوهم شيلتك وأنت تشيلها إحنا ملناش دعوة بيها، وقاعدين في بيوتهم ولا كأنهم عاملين حاجة، ويحكوا للناس ويقولوا بنروح لها ده إحنا بنخدمها، لكن كدابين.
تابعوا آخر أهل مصر على Google News
