ملكش دعوة بينا.. تامر أمين يوجه رسالة قوية لعمرو أديب

قال الإعلامي تامر أمين، إن مباراة الأهلي والإنتاج الحربي أمس كانت مباراة لقياس المعدن الحقيقي لـ مشجع النادي الأهلي.

وخلال برنامجه 'أخر النهار' المذاع على قناة 'النهار'، تابع أمين: المنافسين طبيعي الزمالك يبقي بيتمنى الأهلي يقع.. والأهلي طبيعي إن في ماتش الزمالك في الدوري هيبقى بيتمنى الزمالك يقع، مضيفاً أنه أهلاوي حتى النخاع دون أي انتقاص من المنافس المحترم نادي الزمالك اللي بنقدره'.

وواصل: ماتش أمس كان من أسوأ الماتشات التي أدتها فرقة النادي الأهلي كأداء وكان هناك استهتار في نصف المباراة وكان يوجد تفكك في الخطوط”.

رسالة تامر أمين لعمرو أديب

وأكمل: بقول لصديقي العزيز اللي طلع امبارح بعد الماتش في التلفزيون وكان مدايق حقك تدايق بس ملكش دعوة بينا، تاني أهو يا عمورة بقولهالك أهو أنت حبيبي وصحبي وأخويا وكل حاجة وحقك تشجع فرقتك زى ما أنت عايز وأنا بتكلم على نادي الزمالك بكل احترام وتقدير، بس ملكش دعوة بالأهلي يا عمورة.