قال مدير التصوير ومخرج حفل افتتاح طريق الكباش أحمد المرسي، إن الفرق بين مشاركته في حفل افتتاح طريق الكباش بالأقصر، ومشاركته في حفل موكب نقل المومياوات، إن الثاني لم يكن له مرجعية، وشيء لم نراه من قبل، إلى جانب أنه كان محدود بمنطقة المتحفين، عكس حفل اليوم الذي وصفه بالـ أكبر بكثير، وكذلك المساحة اكبر، وكانت هناك توقعات، فزاد التحدي، إلى جانب ضغط الوقت.
وخلال أجراه مع الإعلامية لميس الحديدي على قناة ON، تابع المرسي: 'أنا في الأقصر منذ شهر ونصف بصور يوميا وبحضر يوميا، ومخدناش يوم إجازة وقبل كده كان فيه فترة تحضير كبيرة جدا. حاجة مالهاش نظير عريقة جدا، التحدي كان كبير إن الحفل يطلع بأحسن شكل، وده كان محتاج تخطيط وإننا نلاقي حلول مش دارجة'.
وأوضح المرسي الرسالة التي أراد تقديمها 'كنا فريق كبير اشتغل على الأفكار في أول ما عرفنا اننا هنعمل عمل بهذا الشكل، قدمنا أفكار وأردنا الخروج عن المألوف، اشتغلنا على الشمس، وأفكار مختلفة مستخدمنهاش كلها استقرينا على الاحتفال نفسه الأوبت، واستوحينا منها بعض التفاصيل المشتركة بطعم وقتنا الحالي'.
وأضاف: 'الأقصر بلد شابة مش بس عريقة حبينا نُظهر العراقة والشباب، حتى الحاجات الفرعونية محبناش ننقل نقل دقيق للحدث والأزياء بشكلها الحقيقي، وده كان مقصود بناخد لمحة من الفرعوني مش بنقلد'.
وعن وجود أجزاء مسجلة وأخرى حية، قال: 'كان السبب فيها لوجيستك لصعوبة تصوير كل حاجة مع بعضها، وعشان بعض الأماكن مش جنب بعض أوي، عملنا أكبر كم لايف نقدر نعمله وأستعنا بشوية حاجات مُسجلة'.
تابعوا آخر أهل مصر على Google News
