السيسي: قولت لمسؤول في بلجيكا: حقوق الإنسان عندي علاج وتعليم وأكل كويس

كشف الرئيس عبد الفتاح السيسي، خلال حوار دار بينه وبين أحد المسؤولين أثناء زيارته الأخيرة لبلجيكا، عن وضع حقوق الإنسان في مصر، مقارنة بالوضع في بلده.

وقال الرئيس السيسي، في كلمته خلال فعالية المشروع القومي لتنمية الأسرة المصرية صباح اليوم الإثنين:" من ضمن الحاجات اللي كنت بتكلم فيها مع المسؤول ده، انت ليه مسألتنيش عن النتاج المحلي كام فاستغرب وقلت له الناتج المحلي بتاعك انت كام قالي 500 مليار دولار قلت له عدد سكانك كام قال لي 10 مليون قولت له يبقى انا عايز الدخل بتاعي ومعدل النمو يبقى 5 تيلريون دولار عشان عندي 100 مليون وعشان انا مش معايا الفلوس دي الناس في مصر مظلومة والمواطن مابيكلش كويس ومبيتعلمش ومبيتعالجش كويس ادي حقوق الإنسان اللي انا اعرفها"

وتابع": وبعدين انا مش مانعه انه يتكلم بس اعرف القضية كويس وقبل ما يتكلم ويسمع الناس وينكد عليها في بيوتها وبيقول كلام مش مستكمل".