فنانة تُهاجم إلهام شاهين وهيفاء وهبي: «الكلام في الدين خط أحمر.. كفاية معصية» (فيديو)

قالت الفنانة ميار الببلاوي إن التصريحات الأخيرة للفنانة إلهام شاهين عن الدين لم تعجبها: 'إلهام شاهين أستاذتي لكن آسفة تصريحاتها الأخيرة معجبتنيش'.

وخلال لقائها مع راغدة شلهوب ببرنامج 'سابع سما' المذاع عبر فضائية 'النهار' تابعت الببلاوي:'اتكلموا زي ما إنتو عاوزين بعيد عن الدين، خلي الدين خط أحمر، الدين غير قابل لوجهات النظر، إنما نزل من عند ربنا للرسول وانتقل لنا عن طريق العلماء، إلهام شاهين أستاذة في مكانها، كنت أحلم إني أشتغل معاها'.

وعلقت على صورة هيفاء وهبي، قائلة: 'هنحفر في الأرض، ونحطها لما العمر يتقدم بينا مينفعش نفضل على معصية، مع احترامي لكل الفنانين ميبقاش السيستم ومنهجي في الحياة أقلع أوي كده، أشفق عليها كمسلمة'.

وعن رأيها في المخرجة إيناس الدغيدي، قالت: 'كفايا اللي حاصل لي بسببها'، في إشارة للمشهد الساخن الذي أجبرتها إيناس على تمثيله.

وأردفت ميار: 'مضربتنيش على ايدي، لكن لو ربنا محطهاش في طريقي مكنتش عملته، وأنا مرتحتش معاها في اللوكيشن، كانت عنيفة معايا جدًا، لأني بأعترض إني أعمل المشهد بتقولي تعترضي ليه؟ إنتي وافقتي على الفيلم'.

وعلقت ميار على مشهد منى زكي في فيلم 'أصحاب ولا أعز'، قائلة: 'منى زكي بحبها، وهي فنانة كبيرة وعظيمة، حرام نحذف تاريخها عشان مشهد، لكل جواد كبوة'.