أحمد موسى ينفعل على الهواء: الدوري المصري من عجائب الدنيا.. فين النظام؟

أهل مصر
أحمد موسى
أحمد موسى

انتقد الإعلامي أحمد موسى أداء التحكيم المصري خلال الفترة الماضية قائلا: "حكم الفار لا ينصف الفرق، ومفيش عدالة في مصر، وأنا دلوقتي مش بتكلم على فريق محدد، ومش ليا علاقة بمين أخد الدوري أو الكأس".

وخلال تقديم برنامجه "على مسئوليتي" المذاع الآن عبر فضائية "صدى البلد"، تابع موسى: "التحكيم المصري بعافية، ومعندناش كرة قدم.. ويجب على الحكم تحقيق العدالة لكل الفرق، بغض النظر عن أي فريق، خلاص باركنا للزمالك على الدوري والكأس، مردفا: "الدوري المصري من العجائب ويعتبر رقم 8.. كل الدوريات الجديدة بدأت أمس، واحنا لسه بنلعب الموسم بتاعنا".

وواصل موسى: "طيب كده مش هتعمل منتخب كويس، هتجيبه ازاي وأنت عندك كل المواسم داخلة في بعضها؟.. فين النظام؟".

واختتم موسى منفعلًا: "لا يهمني الفرق أو اسم أي نادي، وكل اللي يهمني بلدي، والجمهورية الجديدة جمهورية عدل وعدالة، ولازم نشوف ده في الموسم الجديد، عشان مصلحة منتخبنا".

عاجل
عاجل
النائب العام يأمر بحبس 7 متهمين في واقعة وفاة الصيدلي ولاء بحلوان