قال الشيخ خالد الجندي عضو المجلس الأعلى للشؤون الإسلامية، إنني شكوت من قبل من اختفاء كتب الإمام الأكبر الراحل الشيخ محمد سيد طنطاوي، الولي التقي، بفعل فاعل، وبأيدي غريبة وبشكل مريب وبأمر غير منطقي.
وخلال تقديمه برنامج 'لعلهم يفقهون' المذاع على قناة 'دي إم سي' مساء اليوم الثلاثاء، تابع الجندي: 'كان الإمام طنطاوي رحمه الله، أجرء عالم من علماء الأزهر، فكان مقاتلا شرسا، وكان أكتر واحد اتهاجم 'يا جاه النبي' في تاريخ الحياة، حتى أني كل ما بتهاجم بفتكر الإمام طنطاوي شيخ الأزهر وأقول الله يرحمك يا شيخ سيد'.
وأضاف عضو المجلس الأعلى للشؤون الإسلامية: 'الله يحفظ لنا شيخ الأزهر الإمام أحمد الطيب ويعطيه الصحة ويعافيه، اللي عايزين نحاوطه برموشنا وعنينا، وواحد من العلمانين معترض إن الإمام الطيب بيقرأ كتاب أصول من الحضارة الغربية' فتخيل إن بقت القراءة عيب وكخ'.
واختتم الجندي: 'العلماني زئبقي وملوش ماسكة وجيلاتيني كدة، لأن بدل ما نفرح ونسجد لله شكرا إن الإمام بتاعنا عالم ومثقف ومتابع لكل ما يكتب وهو موسوعي، فالعلماني أفندي غضبان ومش عاجبه إن إمامنا مطلع وبدل ما يثني عليه بيهاجم، أصل العلمانيين مش عايزين غيرهم يكون عارف'.
تابعوا آخر أهل مصر على Google News
