خالد الجندي: لا يوجد علم لتفسير الأحلام.. والجهل بموعد الوفاة لطف من الله (فيديو)

قال الشيخ خالد الجندي عضو المجلس الأعلى للشئون الإسلامية، إن من لطف الله على عباده جهل متى وكيف وأين سيموت الناس، موضحا: 'تصور حضرتك لو عندك كتاب غيب وعارف هتموت فين وإمتى، يعنى مثلا لو عارف إنك هتموت بعد سنتين فى المكان الفلانى الساعة كذا يوم كذا، حضرتك من النهاردة خلال السنتين دول هتلغى الطريق ده من حياتك خالص، ومع ذلك هتيجى وتنسى وتروح وهيحدث أمر الله'.

وخلال تقديمه برنامج 'لعلهم يفقهون' المذاع عبر فضائية 'إكسترا نيوز'، أكد الجندي أنه في حال معرفة الشخص موعد وفاته لكان الغم والكرب سيطر عليه حتى الوفاة، قائلًا: 'شوف بقى حجم الهم والكرب اللى هتكون فيه خلال السنتين دول اللى عارف إنك هتموت بعدهم، عشان كده ده من ألطاف الله علينا إننا منعرفش هنموت إمتى وفين بس لازم نكون جاهزين ومستعدين للقاء الله على شهادة، دى حياتك استعد وقف النميمة والخصام، دى حياتك اللى أنت مضيعة فى النوم، اعتبروا الدنيا أوتيل، جهز نفسك دائما للقاء الله'.

ونوه الجندي إلى أنه يقال فى رواية لطيفة إن الإمام مالك رضى الله عنه وارضاه، رأى ملك الموت في المنام، فأشار ملك الموت للإمام مالك 5 واختفى، فنادى: 'يا ملك الموت أي خمس تقصد'، واستيقظ مذعورا يبحث عن من يفسر له هذه الرؤية، منوهًا أن تفسير الرؤى مجرد تخمين وليس علم يقين، مشددًا على أنه لا يوجد علم يسمى تفسير الأحلام.