عمرو أديب: تحس إني وزير التعليم عامل أوكازيون حتى الغياب بقى بفلوس (فيديو)

وجه الإعلامي عمرو أديب، سؤالا لـ الدكتور رضا حجازي، وزير التربية والتعليم والتعليم الفني، بعد قرارته الأخيرة بشأن تقنين السناتر ووالتعاقد مع شركة خاصة لإدارة مجموعات التقوية، قائلا: 'بما إنه الطلبة هتروح السناتر ومجموعات التقوية.. أنتم فاتحين المدارس ليه؟'.

وقال عمرو أديب، خلال تقديم برنامجه 'الحكاية' المذاع على قناة 'إم بي سي مصر': ' أنت بتقولي يا جماعة مجموعات التقوية دي مهمة جدا جايبين لها شركة والسناتر أنا بقننها بعد كده إمبراطور الكيمياء وإمبراطور الفيزياء اللي كان بيعمل ٢ و٣ مليون جنيه في الشهر لأ هنخش معاه شركاء وناخد جزء من الفلوس دي'.

وأضاف 'أديب': 'طب أنتم مخليين المدارس ليه.. وأبنية تعليمية والوزارة والمدرسين رايحين والمدرسين جايين.. وامتحانات المدرسين والحق السبورة.. طب ما تقفلوها أنت عاوز المدرسة في حاجة مصاريف عالفاضي.. خلي كل المدرسين تدي دروس خصوصية ويشتغلوا في سناتر'.

وتابع: 'أنا عايز اسأل وزير التربية والتعليم سؤال هل اللي اتعمل ده دستوري؟.. طيب الطالب ودول الأغلبية اللي معهوش يدفع تقوية ولا يدفع سناتر يتعلم إيه ويروح فين؟!.. ماهي اتقسمت في بهوات بتوع السناتر وفي الأقل شوية بتوع التقوية.. تحس إني الوزير ده عامل أوكازيون للتعليم.. ده حتى واصل لمرحلة والغياب يبقى بفلوس يعني لو عاوز تغيب ارميلهم ٥٠٠ أو ٦٠٠ جنيه متروحش المدرسة.. هو ده تطوير التعليم اللي أنتم عاوزينه'.