أكد محمد الإتربي، رئيس اتحاد بنوك مصر ورئيس بنك مصر، أن اللي بيحرك السوق هو العرض والطلب.
وقال محمد الإتربي، خلال مداخلة هاتفية لـ برنامج 'الحكاية' المذاع على قناة 'إم بي سي مصر' تقديم الإعلامي عمرو أديب: ' الناس في البنك عملاء حولوا الدولار بتاعهم لجنيه مصري وفي نفس الوقت جالنا من شركات الصرافة مبالغ مكنتش بتيجي في الشهر الأخير..ليه لأن أنا انهارد منتظر الدولار يروح لـ ٢٠ و٢١ و٢٢ فأنا حبسه ومستني اللحظة اللي هبيعه فيها'.
وردا على سؤال هل وارد أن يصل سعر الدولار لـ ٢٤ و٢٥ يوم الأحد ؟.. أوضح الإتربي: 'في الآخر اللي بيحرك السوق السعر والطلب واحنا شوفنا الدولار لما طلع في ٢٠١٦ وتجاوز السعر الصح بتاعه بيرجع ينخفض تاني.. المرة دي في رأيي مش هيحصل كده'.
وعن الفرق بين هذا التعويم والتعويم الذي حدث في ٢٠١٦، قال: ' احنا الدولا كان وصل لـ٢٠ وبعدين نزل لـ ١٨ وبعدين نزل لـ١٥.٧٠وثبت عند هذا الرقم٥ سنين.. هو كان المفروض أن يتحرك تدريجيا حسب العجز فيه.. أنت عندك تركيا التضخم وصل عندها لـ٨٠٪ واحنا مش في منأى عن اللي بيحدث في العالم كله'.
تابعوا آخر أهل مصر على Google News
