عمرو أديب: أنا بقعد مع المديونير والملياردير كلهم بيشتكوا (فيديو)

تحدث الإعلامي عمرو أديب، عن تكرار جملة على مواقع التواصل الاجتماعي منذ فبراير الماضي متعلقة بفكرة الإلهاء، مشيرًا إلى أن فكرة الإلهاء انتهت منذ سبعينيات القرن الماضي.

عمرو أديب: المواطن ملهي في أكل العيش

وقال عمرو أديب، خلال تقديم برنامج 'الحكاية' المذاع على قناة 'إم بي سي مصر': 'حد راح السوبر ماركت وعرضوا الأسعار عليه، قال له لو سمحت أنا ملهي ومتابع حادث الست اللي كلت دراع جوزها، محدش خد باله من الدولار؟، هل في حد اتلهى ومش واخد باله من حرب روسيا وأوكرانيا؟ في حد مش واخد باله من غلاء الأسعار؟'.

وأضاف عمرو أديب: 'مصر مش عايشة جوة السوشيال ميديا، السوشيال ميديا هى اللي عايشة جوة مصر.. المواطنون ملهيون الآن في موضوع واحد وهو أكل العيش، أنا بقعد مع البشر كلها من تحت لفوق؛ من المديونير للملياردير كلهم بيشتكوا، لكن في هنتريش بأجنحة بيحاول يقنعنا إن في حد ملهي بما تتناقله مواقع التواصل الاجتماعي'.

وتابع عمرو أديب: 'كام واحد في مستشفى الأمراض العقلية اللي اسمها مواقع التواصل عشان يتلهوا، في ناس عاوزة تعيشك إنك في دولة بوليسية، خلصت اللهوة الأولانية خد اللهوة التانية، يا جماعة فوقوا من الوهم، في واقع الدولة والحكومة تعيشه، وعندنا مشكلة وعي وفيه ما بينا ناس مش وراها حاجة، هو في حد عرف يلهي المصري عن الأرز؟'.