علق الإعلامي عمرو أديب، على التقرير الصادر من الجهاز المركزي للتعبئة والإحصاء بوصول عدد المواليد في مصر إلى 6 آلاف طفل يوميًا، معربا عن دهشته من تفكير البعض في الإنجاب بكثرة رغم الأزمات التي يمر بها العالم.
عمرو أديب: 6 آلاف طفل يوميًا بكام رغيف؟
وقال عمرو أديب، خلال تقديم برنامج 'الحكاية' المذاع على قناة 'إم بي سي مصر': 'هي دي الأرقام القياسية اللي شاطرين فيها، إننا نظرف عيال.. إنجاب 6 آلاف طفل يوميًا، يعني إنتاج الدولة نحو 30 ألف رغيف خبز إضافي في اليوم الواحد'.
ووجه عمرو أديب سؤالا للمواطنين، قائلا: 'قررت تجيب عيال زيادة ليه؟ شايف الدنيا لطيفة؟ الأحداث في الداخل والخارج مبررة إنك تعمل الكلام ده؟ في دول بتدور على سكان.. قطر زادت خلال 10 سنوات الاستعداد لاستضافة كأس العالم 300 ألف مواطن فقط'.
وأضاف عمرو أديب، أن إنجاب الأطفال بكثرة؛ إلهاء حقيقي للمواطنين: 'هو ده الإلهاء الحقيقي فعلا، 5 و6 عيال يلهوك عن ذكر ربك متبقاش شايف قدامك، ولو مقتنع أن صوت الإلهاء أكبر من صوت المجتمع ربنا معاك'.
وأشار عمرو أديب، إلى أن الإلهاء يكون لشعب لا يعاني كم المشكلات الموجودة عند الشعب المصري، قائلا: 'سيبكم من الوهم، كل يوم عيشك وسكرك موجود، آه غالي، لكن مشفتش ظواهر محرجة، قول لي حد في مصر اتلهى! الإلهاء في ناس مرتاحة لكن محدش مرتاح.. الناس لغاية دلوقتي يتناضل والدولة بتحاول تديهم القدر اللي يساعدهم إنهم يقفوا على رجلهم في الأيام الأصعب، ونعدي الأزمة في العالم والمنطقة كلها، هنا بتحاول قدر الإمكان إنك تدافع عن العمالة الموجودة والناس اللي شغالة والعيش والأرز، هل في حد في معركة السكر قال كان عندي إلهاء بتابع زواج فلانة أو طلاق فلان؟'.
تابعوا آخر أهل مصر على Google News
