وجهت الإعلامية ياسمين عز رسالة للفتيات قائلة: 'متتكسفيش من نعومة صوتك مع جوزك وانزلي بالطبقة على قد ما تقدري واتكلمي من مناخيرك، اخنفي وأنت بتتكلمي واتدلعي واتكلمي مع كل الناس غيره كأنك 'جعفر'.. كل ما 'تخنفي' هيحبك أكتر'.
الصوت الشتوي والصوت الصيفي
وخلال تقديمها برنامج 'كلام الناس'، عبر فضائية 'إم بي سي مصر'، تابعت عز: 'أنا صوتي خامته شتوية 'ناعم ودافي وسهتان'، أما الصوت الصيفي عالي ومبيفصلش وخامة الصوت الشتوي هي أحلى لأنه دافي وناعم'.
وأكملت عز: 'أنا مبحبش خراب البيوت، وبستغرب من الستات اللي بتشجع ده وليه بقت الستات بتستسهل موضوع الطلاق وبيقولوا يروح واحد وييجي عشرة غيره'.
وأوضحت الإعلامية ياسمين عز، إتيكيت التعامل مع الزوج، قائلة إن الزوج نعمة من الله مثل نعمة الطعام والشراب بل وأفضل من ذلك، مردفة: 'فيه حاجة اسمها إتيكيت التعامل مع الزوج، لأن الراجل نعمة من ربنا زي الأكل والشرب وهو أحسن كمان، هذه النعمة ليها إتيكيت زي ما فيه آداب التعامل مع الطعام فيه آداب للتعامل مع الزوج'.
إتيكيت التعامل مع الزوج
وخلال برنامجها 'كلام الناس' عبر فضائية 'إم بي سي مصر' تابعت عز: 'لو بتتكملي مع صاحبتك أو مامتك وزوجك جه فورا تقفلي علشان الفرعون الكبير وصل.. كده تأسريه لأنه لازم يحس أن دخوله ليه هيبة ووضع، حتى لو هتروحي تقوليله نورت بيتك حمد لله على السلامة، زي ما كنا طلاب والمدرس يدخل الفصل كنا بنقفله، زوجك أحسن من المدرس، اللقطة واللفتة البسيطة دي هتأسريه بيها حتى لو هتطلي من باب المطبخ وترجعي لحلة المحشي، لكن لازم يبان له إن فيه إحساس، ولو مدياله ضهرك لفي وشك على طول وسيبي الحاجة اللي في إيدك'.
تابعوا آخر أهل مصر على Google News
