ياسمين عز: جوجل مش هيفيدك.. والأيام هتثبتلكوا إني فى صفكوا

قالت الإعلامية ياسمين عز، اليوم الخميس، إنها درست وتعلمت وحفظت المعلومات من خلال الكتب، مشيرة إلى أنها بدراستها ومعلوماتها تعرف ما لا يعرفه جوجل.

وأضافت ياسمين عز، خلال برنامجها كلام الناس الذى يقدم على قناة إم بي سين، أن جوجل لم يكن على علم بالصوت الشتوي قبل أن يذاع تصريحها به أثناء البرنامج

قائلة 'الأيام هتثبتلكوا إني فى صفكوا'.

وجهت الإعلامية ياسمين عز رسالة للفتيات قائلة: 'متتكسفيش من نعومة صوتك مع جوزك وانزلي بالطبقة على قد ما تقدري واتكلمي من مناخيرك، اخنفي وأنت بتتكلمي واتدلعي واتكلمي مع كل الناس غيره كأنك 'جعفر'.. كل ما 'تخنفي' هيحبك أكتر'.

الصوت الشتوي والصوت الصيفي

وخلال تقديمها برنامج 'كلام الناس'، عبر فضائية 'إم بي سي مصر'، تابعت عز: 'أنا صوتي خامته شتوية 'ناعم ودافي وسهتان'، أما الصوت الصيفي عالي ومبيفصلش وخامة الصوت الشتوي هي أحلى لأنه دافي وناعم'.

وأكملت عز: 'أنا مبحبش خراب البيوت، وبستغرب من الستات اللي بتشجع ده وليه بقت الستات بتستسهل موضوع الطلاق وبيقولوا يروح واحد وييجي عشرة غيره'.

وأوضحت الإعلامية ياسمين عز، إتيكيت التعامل مع الزوج، قائلة إن الزوج نعمة من الله مثل نعمة الطعام والشراب بل وأفضل من ذلك، مردفة: 'فيه حاجة اسمها إتيكيت التعامل مع الزوج، لأن الراجل نعمة من ربنا زي الأكل والشرب وهو أحسن كمان، هذه النعمة ليها إتيكيت زي ما فيه آداب التعامل مع الطعام فيه آداب للتعامل مع الزوج'.