كشفت الفنانة إلهام شاهين عن الكثير من التصريحات فتحدثت عن مسلسل «طلوع الروح» قائلة: «أنا دايما بعمل حصيلة للسنة دي بمعني أنا حققت إيه، وربنا كرمني جدا السنادي، وسعيدة بكل الأعمال اللي كانت فيها، ومسلسل بطلوع الروح حقق ده وجاب نسب مشاهده عالية في كل الدول العربية، وبشكر كل اللي هاجمني لأنهم عملولي دعاية في كل العالم وخلي الناس تشوف المسلسل».
أعمال إلهام شاهين
وخلال مداخلة هاتفية لبرنامج «الستات» للإعلامية سهير جودة، تابعت: «أنا بحب الإنسان يشتغل بعقله، وعندي كتب كتير جدا منها الإنجيل والتوراة، وأنا لو معملتش عمل يسيب أثر ولو الدور مفيهوش جديد أو أنا عملته قبل كده، مش هشتغل».
وعن إعلانها السابق لتبرعها بأعضائها، قائلة: «دي فكرة خير جدا، وكل الشعوب عندها ده، أنت بتنقذ فيها إنسان من الآلم والموت، واللي يحارب فكرة زي دي يبقي معندوش إنسانية».
وأضافت شاهين: «أنا فكرت في الفكرة دي من فترة كبير، وكانت بيني وبين أهلي، واللي شجعني إني أصرح بيها في فيديو صوت وصورة هو الدكتور خالد منتصر».
وأكملت: «أنا كل أرائي اللي بعتقدها بحاول أجسدها على الشاشة، فمثلا دوري في مسلسل بطلوع الروح بيمثل أرائي في الإرهاب ومدى كدبهم، وأرائي واجب عليا، وهكون بخون نفسي لو موصلتش رسالتي كفنانة».
ولفتت: «أنه لا يوجد تفرقة بين الأديان، وأن الدين يعني الأخلاق، أنا بصلي في الجامع والكنيسة والمعابد اليهودية، ولو حبت شخص مش مسلم هتجوز منه زواج مدني».
تحتفل الفنانة إلهام شاهين، اليوم بعيد ميلادها 62، وعرفتإلهام شاهين بالفنانة المتمردة والجريئة، فألفت كتابا بعنوان «المتمردة» عن مسيرتها الفنية وبالأخص المسرحية، التي لم يكن يعرفها الكثير من جمهورها.
تابعوا آخر أهل مصر على Google News
