انتقدت الفنانة بدرية طلبة تصريحات الإعلامية ياسمين عز، ببرنامجها «كلام الناس»، والتي جاء من بينها: «المهندس حياته جافة كلها مربعات ومثلثات مراته لازم تحسسه بالحنان، دلعي جوزك الباشمهندس أحمد وهيفتحلك البلكونة يخليكي تشوفي النيل من التجمع».
وخلال فيديوعلى موقع الصور والفيديو «إنستجرام» قالت طلبة: «إحنا ماشيين بالعلاج الله يسترك يا ياسمين، كل واحدة فينا فيها اللي مكفيها، الناس بتكح تراب، الكلكيعة اللي في قلبي منك زادت، شفنا دلع كتير لكن أول مرة اسمع أن واحدة تدلع زوجها بمد في اسمه أحمااااااد، محماااااااد لو قلت لجوزي كده هيديني بطبق الملوخيه، أنتِ كدة بتوقعي بين الأزواج، ممكن يكون قصدك خير لكن النتيجة تأتي عكسية، لا وقت للدلع المرق، أنتِ يا ياسمين خليتينا نكلم نفسنا».
وفي وقت سابق قالت الإعلامية ياسمين عز: 'إمبارح كنت بتكلم بنية صافية عن خطورة البروتين على الشعر، وتطلع واحدة تسيب الموضوع كله وتقولي هو أنت لابسة 'باروكة'؟.. أنا هجاوبك.. أنا مش لابسة باروكة.. وانتي كمان بلاش تلبسي باروكة.. الحاجة الوحيدة اللي تلبسيها في دماغك هي جوزك.. حطيه تاج فوق راسك'.
وخلال تقديم برنامجها 'كلام الناس' تابعت عز: 'أنا شعري طبيعي، ومش بلبس باروكة.. وهقولك على حاجة حلوة.. اعملي تسريحة الأناناسة هتكون حلوة جدًا'.
وجهت الإعلامية ياسمين عز، نصائح جديدة للزوجات، ومطالبتهم بعدم استغلال راتب زوجها من أجل شراء الزينة والاهتمام بنفسه فقط دون مراعاة مشاعر زواجها.
تابعوا آخر أهل مصر على Google News
