ياسمين عز: الراجل الزملكاوي بيعشق الجمال.. والأهلاوي أصيل وعمره ما يتخلى عنك

قالت الإعلامية ياسمين عز: 'الراجل الزملكاوي بيعشق الجمال والتفاصيل الصغيرة، وبيعرف يحسس اللي قدامه إن قطته جمل، يعني الزوج الزملكاوي بيقدر أي حد يعمله حاجة حلوة'.

وخلال تقديم برنامجه 'كلام الناس' عبر فضائية 'إم بي سي مصر' تابعت عز: 'أما الراجل الأهلاوي معروف أنه أصيل، وعمره ما يتخلى عنك، ومش بيرضى غير بالمركز الأول، عشان كده لازم تكوني 'بريمو' قدامه، في شكلك ولبسك وكل حاجة، ولو فكرتي تسيبي البيت اعرفي أنك مش هترجعي بسهولة لأن الراجل الأهلاوي عنده قوانين صارمة'.

واختتمت عز: 'كل التوفيق بكره للفريقين ونشوف مباراة ممتعة وجميلة'.

وفي وقت سابق قالت الإعلامية ياسمين عز: 'اللي متجوزة موظف بنك بيتحسدوا.. الراجل ده بيكون شيك أوي.. وريحة البرفيوم بتاعه بتكون واصله لآخر الشارع.. ومن حقك تغيري عليه'.

وخلال تقديم برنامجها 'كلام الناس' تابعت عز: 'موظف البنك عدى مستوى الأناقة.. وصوته صيفي لأنه راجل.. وتلاقيه واقف مع العملاء بيتكلم بخشونة صيفية'.

وواصلت عز: 'الراجل ده بيكون مر بكل الضغوط.. وخبير في فنون التعامل مع البشر.. وثباته الإنفعالي عنده بيكون أكتر من ياسمين عز، ومن قبل ما تطلبي منه الحاجة بيكون عارفها ويجيبهالك'.

وأكملت عز: 'موظف البنك بيكون أمين عليكي.. وعمره ما يطمع في فلوسك.. وعنده ميزة أنه بيوصل البيت يقفل موبايله من صداع العملاء طول اليوم يا حبة عيني'.