عمرو أديب ينفعل بسبب أزمة كلاتنبرج: ليه مفيش تطبيق للقانون؟

قال الإعلامي عمرو أديب: 'حصل خلافات مع كلاتنبرج رئيس لجنة الحكام، ومشي وسافر من مصر، سيبك من الكلام ده.. الغريب أنه خرج بتصريحات صحفية في كل وسائل الإعلام ببلاده وقال إنه ترك مصر لأنه خايف على حياته.. وجاله تهديدات'.

تصريحات كلاتنبرج

وخلال تقديم برنامجه 'الحكاية' عبر فضائية 'إم بي سي مصر' تابع أديب: 'في بلاده سألوه أنت كنت متفق معاهم في مصر أنك تكون متفرغ؟.. رد قال إنه مكنش متفق مع حازم إمام على أنه يتفرغ.. يعني راجل بياخد مبلغ كبير عشان يكون مستشار'.

وواصل أديب: 'هيهددوك بالقتل إزاي؟.. أنت جاي تشتغل في مكافحة الإرهاب؟.. والغريب في تصريحاته إنه قال إنه ذهب لـ اتحاد الكرة وقالوا له منقدرش نعملك حاجة'.

وأكمل أديب منفعلا: 'يعني اتحاد الكرة قال للراجل مليش دعوة.. ولجنة الانضباط تقدم استقالتها.. هو في إيه يا جماعة؟.. أنا مش بتكلم عن أهلي وزمالك.. أنا عايز أعرف بس.. البلد دي مش بتطبق القانون ليه؟.. أنا هنا قصدي طبعا قانون الرياضة.. هل دي منظومة رياضية'.