انتشر عبر وسائل التواصل الاجتماعي فيديو صادم لاقى كثيرًا من ردود الفعل السلبية، بسبب قيام والد بنشر فيديو لإبنه أثناء الرؤية، يشتكي فيه من عدم احترامه له ورغبته في الحصول على الأموال مثل والدته، كما قال.
ويدور الحديث داخل الفيديو بين الأب والأبن حول محاولة الاخير الحصول على 'لعبة' أو مبلغ خمسون جنيهًا، مقابل الرضاء على والده ويقول 'أنا بحبك'.
الواقعة بين الأب وابنه تم تصويرها من جانب الأب في أحد مراكز الشباب أو الأندية الرياضية، وظهر فيه تعامل الطفل بشكل سيء مع والده، بعدما انفصال عن والدته وترك لها الطفل لتربيته.
ودار حوار بين الأب والإبن، ليقول الطفل: 'تيتية مش بحبها عشان مش بتعملي حاجة.. عايزاني أحبكم ببلاش'، ليوجه له الأب سؤالًا: 'يعني انت عايز تحب حد بفلوس.. مين علمك الحاجة الوحشة دي '، فرد عليه ابنه: 'أنا اللي علمت نفسي كده أيوة لازم أحب حد بفلوس'.
واستكمل الابن في حديثه قائلًا: 'العيال بيحبوا أبهاتهم عشان كل يوم يجيبوا ليهم لعبة'، ليرد الأب: 'أنا ليه بحبك هو انت ادتنى فلوس عايز افهم ممكن تجاوبني'.
معاملة سيئة من الطفل لوالده
وحاول الأب ترضيه وتهدئة ابنه بوضع يديه على رأسه إلا إن الطفل عامله بشكل سيء ومهين، قائلًا: 'شيل ايدك من عليا، أنا بحبك عشان بحبك وخلاص، وكل واحد مختلف عن التاني'، ليرد عليه الأب: 'لية مصمم تاخد الحاجة الوحشة'، إلا أن رد الطفل كان سيئًا: 'أنا كدا يا سيدي.. أنا كده بتاع فلوس، انت عايزنى احبك ببلاش، يا تجيب اللعبة يا تجيب الخمسين جنيه'.
مرة أخرى، حاول الأب تهدئة ابنه قائلًا: 'بلاش تعمل كده ماما كانت بتعمل زيك تقولي هات فلوس وأحبك أو أقعد معاك أنا زهقت منها وسبتها، ولو بقيت كدا هزهق منك وأسيبك، طول ما أنت وحش هسيبك وانا بحبك من غير فلوس'.
ورد عليه الطفل بشكل غير لائق، قائلًا: 'هنقعد نهبل ولا هنستهبل ولا هنتمرقع'، ثم رد عليه الأب في نهاية الحديث قائلًا: 'مش عايز أعرفك خالص طول ما انت قليل الادب، روح قول لجدك اللي رباك انتا ربتني تربية وحشة.. امشي يلا أنا زهقت منك'.
تابعوا آخر أهل مصر على Google News
