علق الإعلامي عمرو أديب على شائعة بيع قناة السويس، والوثيقة المفبركة المتداولة خلال الساعات الماضية قائلا: "في عام 2023 هنشوف ناس كتير ظهرت بعد ما كانوا مختفيين، وبدأوا يستغلوا الأزمة الاقتصادية لتشوية صورة البلد، والغريب إن في ناس مثقفة صدقت الموضوع".
الوثيقة المفبركة بشأن بيع قناة السويس
وخلال تقديم برنامجه "الحكاية" عبر فضائية "إم بي سي مصر" تابع أديب: "أهم حاجة يكون عندنا ثقة في بلدنا يا جماعة عشان المجتمع والبلد تعيش.. نثق في العائل والحاكم.. نحاسبه آه لكن نثق فيه".
وواصل أديب: "أهم حاجة في الفترة دي وفي سنة 2023 هي الثقة، ولازم يكون عندنا تمييز، ونفكر شوية، وعلى فكرة لو موضوع بيع قناة السويس ده بجد محدش هيسكت.. هو إحنا أكياس جوافة في البلد؟".
وأكمل أديب: "الجميل في الموضوع إن قناة السويس طلعوا بيان ردوا فيه، بيان وطني".
واختتم أديب: "الناس اللي روجوا للموضوع معروفين.. ولازم يتقال أسمائهم.. ولازم يكون في موقف.. لأن ده مش شغل أفراد.. ده شغل أجهزة.. لكن إحنا كمواطنين "العقل زينة" وهتشوفوا من ده كتير".
ونقدم لكم من خلال موقع "أهل مصر"، تغطية ورصدًا مستمرًّا على مدار الـ 24 ساعة لـ سعر الذهب، أسعار اللحوم، أسعار الدولار، أسعار اليورو، أسعار العملات اليوم ، أخبار الرياضة، أخبار مصر، أخبار الاقتصاد، أخبار المحافظات، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
