سمية الخشاب تنصح السيدات: «لو تعبانة احضني قطة هتخفي»

قالت الفنانة سمية الخشاب، إن الحب لا يقتصر على العلاقة بين الرجل والمرأة فقط، مشيرة إلى أن المرأة بإمكانها أن تحب ذاتها، وتشكر الله طوال الوقت على كل النعم التي أنعم الله بها عليها.

وخلال مداخلة هاتفية لبرنامج «الستات»، مساء اليوم الإثنين، تابعت الخشاب: «مش لازم نعلق سعادتنا وفرحتنا بوجود حد في حياتنا، لو مش موجود أنا أقدر أسعد نفسي وأقدر أحب كل حاجة حواليا».

ودعت «الخشاب» السيدات إلى الاهتمام بنفسها وتدليلها، متابعة: «أنا بحب نفسي وبدلعها، وبعمل ماسكات لشعري وبلعب مع القطة بتاعتي، ومؤخرًا بعشق القطط».

وأضافت: «بقول للناس هاتوا قطط، واضربوا عصفورين بحجر، يبقى تبنيتوا قطة من الشارع، وكمان هتعملكوا طاقة حلوة في البيت لأنهم بيمتصوا الطاقة السلبية».

وأكملت: «لو زهقانة أو تعبانة وحضنت قطة هتلاقي نفسك ضحكتي، ولو عيانة هتخفي، لأن القطط بيصدروا موجات تمتص أي طاقات سلبية، اللعب مع الحيوانات بيخلي الست أسعد واحدة في الدنيا، ميقلوش عن الأطفال».