كشفت الفنانة زينة، تفاصيل المشاريع التي بدأت فيها وهي صغيرة في المدرسة، خلال لقائها ببرنامج 'صاحبة السعادة'، على فضائية 'دي ام سي'.
وقالت 'زينة'، التي حلت ضيفة على برنامج 'صاحبة السعادة'، على فضائية 'دي ام سي'، تقديم الفنانة إسعاد يونس، إن جدتها هي التي قامت بتربيتها بسبب سفر والدها ووالدتها للعمل في السعودية، وعدم قبولها في مدرسة داخل السعودية لتلتحق بمدرسة باهظة الثمن في القاهرة.
وأضافت: 'احنا 5 أخوات 3 بنات وولدين، ماما وبابا اشتغلوا في السعودية وانا الوحيدة مقبلتش في الدراسة هناك، امي مرضيتش اسافر وانا قعدت مع جدتي وهما سافروا'، مرادفة: 'جدتي كانت غنية جدا وحريصة شويتين هي بتحب تعرف الفلوس دي هتتصرف فين وهي كانت صح، كانت بتحب توفر لو حنفية باظت ماتجبش سباك هي اللي تصلحها، وانا اتعلمت منها حاجات كتيرة'.
أول مشروع لـزينة في المدرسة
وعن أول مشروع لـ زينة في المدرسة، كشفت: 'كنت في مدرسة غالية اوي بالنسبة لنا وقتها كانت المصروفات 3500 جنيه، ودا كان رقم، عملت مشروع بسيط، الطلبة اللي معايا في المدرسة أهلهم معاهم فلوس كتيرة أغنية، كانوا يروحوا يشتروا ازايز الحاجة الساقعة بـ ٥٠ قرش، والراجل بتاع الكانتين كان بياخد رهن ٥٠ قرش عشان العيال ترجع الإزازه، هما طبعا مش هيستنوا لحد ما يشربوا الازازه و يدوها للراجل عشان نص جنيه فمكانش بيهمهم وبيرموا الازازه عادي مش فارقه معاهم'.وأردفت: 'أنا كنت بجمع ازايز الحاجة الساقعة وأروح أرجعها للكانتين وأخذ الرهن كنت بعمل حوالي 15 جنيه في اليوم، والراجل بتاع الكنتين كان كل ما يشوفني يقولي امشي يا بت من هنا والشغلانة باظت لما عرف اني بتاعت الازايز، استخدمت صحابي عشان يلموا الازايز ويرجعوها للكانتين وياخدوا الرهن، بعد كدا جدتي اقترحت عليا مشروع بيع الترمس في المدرسة ومرة فشار بقيت سيدة أعمال في 6 ابتدائي'.
تابعوا آخر أهل مصر على Google News
