سائق قطار منوف مكنش طبيعي.. شاهد عيان: «الناس اللي وراء الجرار اتهرست»

كشف مجدي هاشم شاهد عيان على حادثة قطار (منوف - قليوب)، التفاصيل الكاملة لواقعة خروج القطار عن مساره واصطدم بالسيمافور.

وقال 'هاشم'، في تصريحات خلال مقابلة مع مراسل موقع وجريدة 'أهل مصر'، من موقع الحادث، اليوم الأربعاء: 'لما بيكون في قطر داخل المحطة بحذر الناس، وأنا واقف الساعة 7:17 مساء أمس، لقيت القطر المقابل بتاع طنطا منوف واقف على الرصيف اللي نازل القاهرة'.

وأضاف: 'في نفس الوقت قطر داخل على الرصيف ومفتوح له الاشارة وداخل سرعة ديزل يعني نفس سرعة القطر المكيف، السواق مكنش في طبيعته ومستهتر، واحد صحبي كان راكب القطر بيقولي من بعد قطر عبود كان داخل سبق مع قطر قصاده، هي ارواح الناس بقيت تدخل سبق بين السواقين'.

وأكمل: سواق قطار منوف اتفاجئ انه داخل الرصيف اقرب حاجه ليه يدخل في الصدادة الخرسانة، سمعنا صوت جامد وفي أقل من ثانية لقيت رئيس مباحث الضواحي وقليوب وأمناء الشرطة والناس كلنا بقينا ايد واحدة، بنساعد الناس عشان تخرج من القطر'.

كارثة قطار منوف قليوب

وتابع: 'الناس اللي كانوا راكبين وراء الجرار اتهرسوا المنظر كان صعب، شوفت واحد بين الجرار فيه الروح ورجليه مفرومة واللحم طالع لبرة وهو بيصرخ ومش عارفين نعمله حاجة'.

وأردف: 'أول مربعين في العربية من بعد الجرار اتهرست بالبني آدمين اللي فيها، اللي حصل دا حرام وربنا ميرضاش بكدا الناس دي غلابة وبتجري على لقمة العيش، راحوا أونطة بسبب استهتار سواق فاكر أرواح الناس لعبة'.

واستطرد: 'جات عربيات الاسعاف في فترة بسيطة وأول مرة اشوف أمن في اقل من حاجات بسيطة، اللي حصل كارثة كبيرة، والمصابين كنا بنشيلهم وبنطلهعم وحكومة في قلب ناس وكلنا كنا ايد واحدة، الناس نزلت من البيوت تساعد'.