عرض برنامج 'صباحك مصري' المذاع عبر فضائية 'إم بي سي مصر 2'، تقريرا بعنوان، 'بعد أن تخلت أسرته عنه بعد بتر ساقه.. يوسف يجد ملاذا آمن وعمل شريف مع أسرة أم بدر'.
وقال 'الشاب يوسف'، في التقرير المذاع عبر برنامج 'صباحك مصري': 'الحمد لله ربنا أخد مني رجليا ولكن عوضني بحب الناس.. حاجات كتيرة قصرت معايا بس بقول الحمد لله'.
وعن تفاصيل بتر ساقه، كشف يوسف قائلا: 'أنا عندي 7 سنين كنت بلعب عند قضيب القطار والكرة وقعت عليه وطلعت علشان أجيبها وقعت على ضهري وعلى الأرض ببص لقيت جميع القضبان تميل عليا وتقع وربنا سحب روحي ومحستش بنفسي'.
وتابع يوسف: 'وبعد مرور شهر فوقت في المستشفى كنت عايز أدخل الحمام بشد الملاية ملقتش رجلي.. وزعلت وقعدت أعيط وفضلت متأثر منها وقعدت فترة كبيرة مش بنزل الشارع، وبعد كدا بدأت أنزل الشارع واحدة واحدة واخويا قالي اني لازم انزل وأشوف الناس عشان اخرج من اللي أنا فيه'.
يوسف ورحلة كفاحة في القهوة
وتابع: 'بنزل على الضهر عشان اشتغل على في القهوة وبقدر أعمل كل المشاريب للزباين أنا مش قاعد مع والدتي انا قاعد مع أم بدر هي اللي ربتني، بحترمها وبعزها أكثر من أمي وهي اللي ربتني وخلتني بني ادم كويس ونضيف'.
وأكمل: 'نفسي ارتاح يبقى عندي مشروع أكل منه عيش ويبقى عندي شقة أنام فيها وتبقى بتاعتي ويبقى عندي سكن خاص بيا انا بشتغل وبسعى وربنا بيكرمني وبيرزقني ويبعت لي رزقي وربنا مش بينسى حد'.
ومن جانبها، اكدت الحاجة أم بدر: 'أبني مش بيحبني أد ما يوسف بيحبني.. ولو جاب سندوتش بيقسمها بيني وبينه وهو اتغير كتير وأقول عليه ابني حبيبي'.
تابعوا آخر أهل مصر على Google News
