كشفت الدكتورة شيماء البهي، المتخصصة في علم الأعصاب وعلم الإتيكيت، العلاقة بين صيام شهر رمضان والعصبية، مؤكدة أن الصيام مفيد للصحة والحالة النفسية والمزاجية ويزيد من هرمون السعادة في المخ.
وقالت 'البهي'، خلال لقائها ببرنامج «صباح البلد»، المذاع على قناة «صدى البلد»، اليوم السبت، إن الصيام لا علاقة له بالعصبية، والحالة النفسية السيئة، مؤكدة أن المدخنين يشعرون بالعصبية في الصيام بسبب النيكوتين.
وأضافت، قائلة: 'الصيام مفيد للصحة والمزاج والحالة النفسية تماما المزاجية ويقضي على العصبية، الناس اللي مبيعرفوش يشتغلوا في رمضان ولا بيعرفوا يتكلموا حد، عشان متعودين على الكافيين والنيكوتين بيكون ليه تأثير'.
فوائد الصيام في نهار رمضان
وأكملت: 'ممكن قبل رمضان بأسبوع أو أسبوعين على الأقل سحب الكافيين والنيكوتين واحدة واحدة، واللي متعود ياخر شرب القهوة او السجاير، مع الوقت كل دا هيساعد على الصيام، وممكن تاخد مسكن او دواء للصداع وقت السحور، دا هيساعد في تقليل الإحساس بالصداع، الأعراض دي بتقعد 3 أيام على الأقل وبعدين التأثير بيقل'.
وأردفت: 'فوائد الصيام هتبتدى تبان لأن الصيام بيزود هرمون السعادة في المخ، الصيام بيخلي الناس تركز في شغلها ويبقى في تحصيل للمذاكرة، أكتر العلماء بياكدوا أن الصيام مريح للأعصاب'.
ونصحت شيماء البهي، المدخنين، والمعتادون على احتساء القهوة والمشروبات، بتأخير مواعيدها حاليًا؛ حتى لا يتأثرون احتسائها بشكل كبير أثناء الصيام، لافتة إلى أن الصيام يعمل على زيادة هرمون السعادة في المخ؛ لأن السعادة حالة ذهنية.
تابعوا آخر أهل مصر على Google News
