الرئيس السيسي: إحنا مش هنا عشان نوزع اتهامات ولكن لإصلاح ما يُمكن.. "بنصلح وبنبني على اللي عملناه"

كشف الرئيس عبدالفتاح السيسي، عن خطوات الدولة في إصلاح المباني وشبكات الطرق والمحاور، وحجم التكلفة الضخمة التي تتكبدها الدولة من أجل هذا الإصلاح.

وقال 'السيسي'،  في كلمة خلال فعاليات المؤتمر الوطني للشباب، المذاعة عبر فضائية 'اكسترا نيوز'، اليوم الأربعاء: 'في كتير من المشروعات التي تقوم بها لو كانت اتعملت في أماكن جديدة خالص مكناش هنتكلف هذه التكاليف بنضطر نصلح ونبني على اللي صلحنا زي شبكة الصرف الامطار لو احنا بنعملها في مكان جديد التكلفة مختلفة، احنا بنحاول نصلح ثم نبني ونطور اللي بنعمله ودايما المكان الجديد فرصة التخطيط فيه أفضل من الدخول على تخطيط سابق'.

وأضاف: 'احنا عملنا 20 كيلو من محور المحمودية وكل اللي بيشتكي على مواقع التواصل على هدم الجوامع يا سيدي هنرجع الجوامع والكنائس من تاني،  صح بهدم اللي موجود وبعدين ابنيه تاني عشان اوصل للي عملنها في المحور، واحنا بقالنا 3 سنين شغالين في محور المحمودية 55 كيلو عشان اوصل لمحافظة البحيرة'.

وتابع: 'المشروعات القومية في الإسكندرية لو كانت اتعملت في مناطق جديدة صحراوية  مكنتش تكلفنا هذه التكاليف، احنا بنضطر نصلح ونبني على اللي اتعمل زي شبكة الصرف الأمطار، اللي لو احنا بنعملها في مكان جديد التكلفة هتكون مختلفة، احنا بنحاول نصلح ثم نبني ونطور اللي بنعمله، اللي هو تم تجاوزه مش مهم نقول تجاوزه لان احنا مش موجودين عشان نوزع اتهامات احنا موجودين عشان نصلح ما أمكن'.