علق الإعلامي تامر أمين، على واقعة جزار المونوريل، التي انتشرت بشكل شاسع على مواقع التواصل الاجتماعي خلال فترة عيد الأضحى، قائلا إن جزار المونوريل كان هو حديث 'السوشيال ميديا' على مدار فترة عيد الأضحى، لافتا إلى أن الفيديوهات والصور التي شاهدها على مواقع التواصل الاجتماعي كانت صادمة، 'حسيت بطعنة في قلبي لما شفت المشاهد دي'.
وخلال تقديمه برنامج 'آخر النهار' المذاع عبر فضائية 'النهار'، أكد أمين أن جزار المونوريل ترك كل شيء، وقرر أن يعلق الذبائح على عمود المونوريل، 'يعني مش كوبري أكتوبر، ولا حتة تانية، لا المشروع اللي مصر شغالة فيه، واللي لسه مشتغلش، واللي المصريين متعشمين فيه أن مصر تضاهي الدول المتقدمة بالمشروع ده'.
جزار المونوريل
وواصل أمين: 'يا ظالم يا مفتري، سبت كل حاجة ورايح تعلق في المونوريل، ده أنا لما شفت الصور اتنكد عليا والله، أنا خفت على بكرة بجد لما شفت الصور دي وحسيت بطعنة في قلبي'.
وتابع أمين: 'مشروع المونوريل، وكل المشروعات المتعلقة بالتكنولوجيا سيُضرب في مقتل إذا كان هذا هو وعي وسلوك المصريين فيما يتعلق بالمشاريع التي تعمل عليها الدولة'.
وأكمل أمين: 'هو أنت يا ناصح فاهم لما تعمل المصيبة دي الناس هتعديها ليك عادي، أديك هتقضي العيد في السجن، استفدت إيه لما عملت فيه حدق وروحت على المونوريل تعلق الذبائح عليه'.
واختتم أمين: 'خطورة هذه اللقطة ليست في عمود المونوريل فقط، وإنما في ثقافة ووعي المصريين بالمشاريع التكنولوجية التي تعمل عليها الدولة'.
تابعوا آخر أهل مصر على Google News
