أمير مرتضى منصور: النادي الأهلي أقوى من وزارة الرياضة واتحاد الكرة.. ومش بيكسب بالسحر

قال أمير مرتضى منصور المشرف العام السابق في نادي الزمالك: 'الأهلي أقوى من وزارة الرياضة واتحاد الكرة، وبحسدهم على استقرارهم ونجاحهم، ده نادي مش بيتأثر بكورونا ولا ثورات ولا إصابات ولا تجديد عقود، ومش بيكسبوا بالسحر والأعمال لكن في حاجة غير طبيعية'

وخلال تصريحات ببرناج 'أسرار' عبر فضائية 'النهار'، تابع 'أمير': 'الأهلي أقوى من وزارة الرياضة واتحاد الكرة، وعندهم منظومة قوية مش بيكسب بالسحر والأعمال'.

وفي وقت سابق أوضح أمير مرتضى منصور المشرف العام السابق في نادي الزمالك، حقيقة المكالمة التي سربت له مع أخيه أحمد مرتضى، وكذلك عن حقيقة التصالح بين والده وممدوح عباس.

وخلال حلقة الأمس ببرنامج 'أسرار' عبر فضائية 'النهار'، قال 'منصور': 'مكالمتي مع أخويا أحمد كانت حوالي 25 دقيقة، واللي اتسرب منها حوالي 3 دقائق فقط، وكنت بقنع أحمد مينزلش انتخابات، وده كان قبل غلق باب الترشح بيوم'.

وتابع 'منصور': 'كنت بقنعه نرتاح كلنا عشان نركز في اللي معانا وده كان طوال الـ 30 دقيقة، وماتكلمتش في أعراض حد ومغلطش في حد، ومعرش اتسرب ازاي'.