تحدث إمام عاشور لاعب النادي الأهلي، عن زوجته وفضلها عليه وحبه لها قائلا: "إتجوزت وأنا عمرى 24 سنة ومراتي ربنا يخليهالي سند ليا، ومهما أتكلم عليها مش هوفي حقها، وقفت جنبي في حاجات كتير وديما داعم ليا في حياتي أو في الملعب أو خارجه، وهي داعم وضهر وسند، وأمي في حتة تانية".
وخلال حواره ببرنامج "ع المسرح"، مع الإعلامية منى عبد الوهاب، على قناة الحياة، تابع "عاشور": "والدتي شافت معايا صعوبات كتير لما كنت في المحلة، وكانت معايا في كل الأوقات ومش بتتفرج على الماتشات من خوفها عليا".
واختتم "عاشور": "أنا صريح واللي في قلبي على لساني ومش بداري على حاجة، ومندفع، والقرار اللي بييجي في دماغي بعمله من أول فكرة، ومش بخاف على نفسي لأني صاحب القرار، وبخاف على حلمي".
تابعوا آخر أهل مصر على Google News
