كشفت عروس الشرقية المسحولة على يد زوجها في قاعة الزفاف تفاصيل الواقعة قائلة: 'أولا أنا ولا اتشديت من شعري ولا حاجة، واللي حصل إنه شدني من إيدي بس، وإحنا كان معملونا عمل، والسحر موجود في القرآن'.
وخلال تصريحات لـ'أهل مصر'، تابعت عروس الشرقية: 'المشكلة استمرت 3 دقائق فقط، وبعدها كملنا الفرح وقعدنا 3 ساعات رقص وفرح والحمد لله إحنا كويسين مع بعض جدا وواخدين بعض عن حب، هو من الشرقية وأنا من طنطا'.
عروسين الشرقية
عروس الشرقية صاحبة فيديو سحلها للكوشة: كان معموله عمل
وأكملت حديثها: 'من وقت ما خرجنا من القاعة هو بدأ يتعصب بدون سبب، وهو مش كده خالص لأني أعرفه من زمان، عشان كده بقولك هو معموله عمل'.
وواصلت: 'إحنا كويسين جدا بنستعد للسفر لقضاء شهر العسل'.
ومن جانبه، قال عريس الشرقية: 'أولا أنا بعتذر للناس اللي شافت الفيديو، وأنا معمولي عمل، وأنا بحب مراتي جدا، هي كل حياتي، وبمجرد ما دخلنا البيت جبنا شيخ وأكد أني معمولي سحر، وشربت مياه عليها قرآن وبعدها بقينا زي السمن على العسل ومفيش أي حاجة وحشة'.
وعن ضربه بالقلم من والد العروس قال: 'حمايا خبطني على وشي، وده أقل فعل لأي أب، وأنا بحبه جدا، وهو زي والدي'.
وتابع: 'إحنا هنلجأ للقضاء المصري، وهناخد حقنا من الشخص اللي صور الفيديو ونشره'.
عروسين الشرقية
وفي وقت سابق، تداول مستخدمو موقع التواصل الاجتماعي 'فيس بوك' مقطع فيديو لعريس وعروسته داخل قاعة زفاف بمحافظة الشرقية يثير جدلا، حيث يظهر خلاله وهو يضربها ويسحلها ممسًكا بيدها متوجهًا نحو الكوشة ثم سقطت أرضًا فتركها على حالها وجلس هو.
كما أظهر مقطع الفيديو أحد أقارب العروس الذي أثار المشهد حفيظته وهو يصعد تجاه العريس ويوجه له عدة ضربات قاسية على فعلته التي إرتكابها في حق عروسه ليلية زفافه، الأمر الذي اعتبره إهانه في حق العروس وأسرتها، ثم نشبت مشاجرة بين أطراف العائلتين.
واختلفت تعليقات المتابعين على الواقعة التي انتشرت على مواقع التواصل الاجتماعي كالنار في الهشيم، بعضهم وجه توبيخًا للعريس ووصفوه بعدم الرجولة على فعلته وآخرين أفادوا بأن العروس فعلت حركات غير لائقه جعلت العريس يشطاط غضبًا ويضرب عروسه، وبعضهم رأي تصرف أحد أقارب العروس لرد فعله بضرب العريس صحيحًا وردًا على ما أعتبره إهانة.
تابعوا آخر أهل مصر على Google News
