قال الرئيس عبد الفتاح السيسى، 'حكاية أكتوبر' هي حكاية ملهمة ولا تنتهي، والنصر الذي تحقق لم يكن نصر بسيط، فهو نصر وراءه إرادة شعب كامل رفض الهزيمة وتحدى نفسه وظروفه، وتحدى التحدي نفسه.
وتابع خلال احتفالية اتحاد القبائل العربية والعائلات المصرية بمناسبة ذكرى انتصارات أكتوبر باستاد العاصمة الإدارية الجديدة.: 'اللي انتوا بتشوفوه دلوقتي دا الظروف اللي بنعيشها بعد 67، وكل الناس والعالم و الخبراء والمهتمين بالمواضيع العسكرية والتحديات اللي كانت بتجابهها الدولة المصرية في الوقت دا خاصة على الصعيد العسكري، كانوا بيقولوا مستحيل، خط بارليف ومانع قناة السويس والتفوق الكبير، والمقارنة اللي كانت مش في صالحنا، كله كان بيقول مفيش فرصة نجاح، لكن الشعب المصري، رفض دا وأصر وتحدى نفسه وحقق الانتصار، وعشان كده الانتصار دا غالي أوي واتدفع فيه كتير من دماء المصريين، والسلام اتدفع فيه كتير أوي، وعلى رأسه الرئيس الراحل محمد أنور السادات دفع فيه كتير، دفع فيه حياته ودمه عشان فكرة كانت وقتها'.
ويحتفل اتحاد القبائل العربية، بذكرى انتصارات حرب أكتوبر المجيدة وذلك اليوم السبت 2024-10-26، وذلك بحضور الرئيس عبد الفتاح السيسي وعدد كبير من كبار رجال الدولة.
ومن المقرر أن يشهد اتحاد القبائل والعائلات المصرية احتفالية انتصارات السادس من أكتوبر في ستاد العاصمة الإدارية الجديدة اليوم السبت 26 أكتوبر 2024 حيث قام وفد من اتحاد القبائل والعائلات المصرية مؤخرًا بزيارة تفقدية إلى ستاد العاصمة الإدارية الجديدة وذلك للوقوف على استعدادات احتفالية انتصارات السادس من أكتوبر.
تابعوا آخر أهل مصر على Google News
