يطلب بعض الرجال من المرأة أن تشاركه أعباء الحياة، لا سيما في ظل الظروف الصعبة، وقد يتم هذا الأمر بالتراضي بينهما، ولكن في بعض الحالات، الرجل يشترط على شريكته قبل الزواج أن يأخذ راتبها، لأنه رجل البيت، وسمح لها بالعمل.
ورصد 'أهل مصر'، إجابات السيدات على هذا السؤال، 'لو جوزك اشترط ياخد مرتبك هتوافقي؟
وجاءت الإجابات صادمة، ما بين السخرية والانتقاد.
وعلقت نيرة كامل، ساخرة: 'ليه واخد تيتة'.
ووصفت ميشو عمر: 'ده من أشباه الذكور اللى أمه ربته على إنه سوسن ولازم حد يحتويه'.
أما شيماء السمسار، علقت مستنكرة: 'ده بالعربى الصريح، متجوزها يعتمد عليها مش العكس، طيب لو قعدت من الشغل يطالبها تجيب فلوس بدل المرتب'.
وسردت فاطمة فتحي، قصتها التي تذكرتها بسبب هذا السؤال، قائلة: 'الحقيقة الموضوع ده ملمس معايا جدا، أنا فعلا كنت بعمل كده، لما اتجوزت كنت بديه مرتبي كله واخد الفتات'.
وتابعت 'مكنش فارق معايا لأني كنت بحبه بس مع الوقت اكتشفت أنه بخيل وإن حتى لما ربنا وسعها عليه بياخد كل مرتبي، وحصلت خناقة بينا كبيرة لسبب معين وكنت خلاص مصممة على الطلاق لكن هو كان عايزني أرجع ورجعت بشرط أن كل واحد يكون ليه ذمة مالية منفصلة'.
وواصلت 'في الأول وافق وبعد ما رجعت فضل يقنعني بأن مستقبلنا وحياتنا مش هتمشي غير لما ياخد كل مرتبي ويسيب لي مبلغ بسيط.. مكنتش موافقة في الأول وبعد كده قولت بردوا محبكهاش وقولت اقسم البلد نصين هو ياخد نص مرتبي وأنا اخد النص التاني'.
وأكملت 'بس من غبائه أنه رفض وأفصح عن وجهه القبيح لقيته بيلمح لي أن كل اللي في البيت أو اللي في العمارة لأني كنت ساكنة في بيت عيلة مش هيدوني ريق حلو طول ما أنا مزعلاه ودخل أخوه في الموضوع قالي جملة عمري ما هنساها، قالي المرأة حبيسة بيت زوجها وطالما سمح لها بالشغل يبقي فلوسها من حقه'.
وختمت 'هو كان عايز يخليني أسيب الشغل طبعا رفضت وأهلي رفضوا وقتها قررت الانفصال وبشدة من غير تراجع وبالفعل انفصلت لأني اكتشفت أن التفكير مختلف'.
حق مكتسب
وقالت فاطمة بدار: 'ده مش راجل وللأسف بعض البنات والستات هما اللي بيدوهم فرصة لكدة وبالتالي الراجل يعتقد ويتخيل إنه حق مكتسب له رغم أن الشرع والدين أعطى للمرأة والرجل حرية في الذمة المالية لكل منهما وأن المرأة لو أدته يكون برضاها'.
حق الزوجة في الإسلام
من جانبه أكد الدكتور طه أبو حسين، أستاذ الصحة النفسية بكلية التربية جامعة الأزهر، في تصريحات خاصة لـ' أهل مصر'، أن الإسلام حافظ على حق الزوجة أكثر من الزوج وأباح لها ذمة مالية خاصة تديرها كما تشاء.
وتابع 'أما الزوج ماله مشترك لها ولأولاده، ولا مساس لملكية الزوجة المادية ولا إرغام، أو ضرب إذا امتنعت، فهذا خلل في العلاقة لا يصح أن نرسخها في ثقافة التزويج'.
تابعوا آخر أهل مصر على Google News
