حازم عبد العظيم لخالد صلاح: "ديل الكلب عمره ما يتعدل"

تبادل الإعلامي خالد صلاح والناشط السياسي حازم عبد العظيم الشتائم، على موقع التواصل الاجتماعي "تويتر"، وقال عبد العظيم لصلاح : "ديل الكلب عمره ما يتعدل" ليصفه الأخير بممارسة العهر السياسي.

وقال صلاح في تغريدة مهاجما عبدالعظيم: "الراجل كان متخانق معانا عشان كشفنا موضوع إسرائيل وبعدين كتب عندنا فحبنا وبعدين مشي فقال أمنجية.. ما شاء الله على المواقف".

وأضاف في تغريدة أخرى: "سؤالي هو إحنا اللي نسقنا مع الأمن ولا هو ده إن صحت روايته راجل عنده استعداد يعمل أي حاجة بس يوصل.. ولو ماوصلش يفرد الملاية سياسة دي ولا عهر".

وتابع: "إحنا أمنجية طبعا أمن مصر نخدمه بعينينا الدور والباقي على اللي بيحطوا مصر تحت جزمهم عشان مصالحهم.. إحنا معندناش شركاء إسرائيليين يسندونا".

ومن جانبه، رد حازم عبدالعظيم عبر حسابه على تويتر بعدة تغريدات على الإعلامي خالد صلاح، قائلا: "عندما ندمت واعتذرت هنا.. صدقتك وقلت يمكن تاب واتصالحنا وبدأت اكتب لغاية ما منعتم مقال لي بدون إبداء أسباب وعدم مهنية ولم يرد أحد من الجريدة على هذا المنع .. فقلت الديل عمره ماينعدل".