خالد الجندى: متشددين بيصفوا حساباتهم على الفضائيات وبنات في الشارع لنص الليل.. فيديو

أكد خالد الجندي، عضو المجلس الأعلى للشئون الإسلامية، أن الإسلام يعيش فى زمن الفتنة، وأصبح المجتمع منقسم إلى فصيلين، الأول متشدد حرم كل شئ على الناس حتى الأكل والشرب.

وتابع الجندى، خلال تقديمه برنامج "لعلهم يفقهون"، المذاع على فضائية دي إم سي، الجانب التانى المتطرف عايش فى البالوظة، البنت تسافر لوحدها وتلبس محزق، وسايبه شعرها وجسمها عريان، ويقولك خليك أوبن مايند، وبنته ترجع الساعة 12 بالليل، وتقولك هو أنت مش واثق فى يا بابا.

واستكمل: بقينا عايشين وسط جانبين متطرفين بيصفوا حساباتهم على الفضائيات، والغلابة ضايعين بين ناس بتتكلم باسم النبى وتشوه صورته، وناس تانى بتحطم فى القرآن، والله عمرى مشوفت فتنة زى دى.