عمرو يوسف يروي تفاصيل شائعة القبض عليه (فيديو)

أضاف الفنان عمرو يوسف، منذ قليل، فيديو لايف من خلال حسابة الرسمي بموقع التواصل الاجتماعي "فيس بوك".

وقال "يوسف"، خلال الفيديو: "صباح الفل عليكم.. أنا صحيت النهاردة على خبر بايخ زيي زي أي حد معرفش ايه اللي حصل.. في خبر اتنشر على موقع المفروض إنه كبير بس للأسف الصحفيين اللي فيه نشروا من غير ما يكلموني.. وبالتالي في مواقع خدت الخبر وكملت نشره.. وطبعًا كل الناس اللي متابعين صفحاتنا عارفين إننا في الجونة أنا وكندة.. بس أنا رجعت عشان عندي اجتماع شغل امبارح والنهاردة.. ومسافر تاني".

وتابع: "أنا عملت الفيديو ده لعدة أسباب.. أولًا عايز أطمن الناس كلها وبشكركم أنا وكندة زي الفل مفيش أي حاجة.. ثانيًا كل صحفي كتب أو نشر كلام من غير ما يتحرى الدقة في قضايا هتترفع عشان نجيب حقنا بالقانون، ثالثًا بشكر كل صحفي محترم اتأكد وكلمني.. وأنا في البيت زي ما انتوا شايفين وكندة بخير.. وصباح الفل عليكم".