قال النائب عاطف عبد الجواد، عضو لجنة الإسكان بالبرلمان، إن منظومة التراخيص، سواء قبل القانون 119، أو بعده، في منتهى التعقيد، مستكملًا: «مش معقول واحد هيروح يبني مخالف وهو عارف إنه هياخد حكم بالسجن إلا إذا كان داخ وتعب وحاول ومعرفش يعمل رخصة».
أضاف عبد الجواد، خلال حواره ببرنامج «الطريق إلى الاتحادية»، المذاع عبر فضائية «أون لايف»، مساء الأربعاء، «النهاردة اللي بيعمل رخصة هو اللي بيتعب، أنا بقالي 6 شهور مش عارف أطلع رخصة مع إني مهندس معماري وعضو إسكان النواب.. إحنا ماشيين في المجلس بسياسة تسهيل التراخيص، ولكن الدولة ماشية في طريق معاكس».
تابع: «القانون يقول أن يُقدم المواطن على صلاحية بناء بصورة البطاقة الشخصية على أن يتم استخراجها خلال أسبوع، ولكن التنفيذيين يطلبون من المواطنين إجراءات ليست من القانون، ومع ذلك من يبني بدون ترخيص يوفق أوضاعه القانونية ويدخل له عداد كودي.. أنا مش عارف لما نخلص قانون التصالح الناس هتتصالح ليه!».
تابعوا آخر أهل مصر على Google News
