"كسرنى بعد جوازنا؛ خلاني فقدت الثقة في نفسي بقيت أحس بالخوف انى ابص في المراية بسبب كلامه، كان بيقولي انتي دمرتي أحلامي وجسمك مش زي اللي كان في خيالي، دمر نفسيتي بعد 11 شهر من الجواز بس".. كلمات بسيطة خرجت من فم لمياء لتعبر عن مدى معاناتها مع زوجها وهى تشكو مأساتها أثناء نظر دعوى الخلع التى أقامتها ضده أمام محكمة الأسرة.
زواج 11شهر
وروت لمياء قصتها بكلمات مهزوزة لـ"أهل مصر": "تزوجت منذ 11 شهر بعد علاقة عاطفية استمرت 7 شهور، وكان بيوهمني انه بيعشقني لكن بعد الزواج وظهر على حقيقته، حول حياتي إلى جحيم مبقاش عاجبه حاجة ودايما يقولي اني مش حلوة، ونظراته كانت بتقتلني، كنت بحس انه قرفان مني بسبب بعض البقع الداكنة في جسمي اللي مليش فيها أي ذنب، ومع الوقت لقيته بيقولي انتي دمرتي أحلامي جسمك مش زي اللي كان في خيالي".
فقدت الثقة بنفسي
وتابعت حديثها: "فقدت ثقتي بنفسي، بسبب كلامه، وكنت بتكسف اخد راحتي في البيت أو البس أي هدوم تكشف جسمي، كنت بحس اني مش زي كل البنات وفقدت الثقة في نفسي تمام، وابتعدت عن كل الناس حتى صاحباتي، مكنتش بعمل حاجة غير اني بعيط ليل نهار، ولما والدت عرفت أصرت توديني لدكتور نفسي عشان اتعالج".
رفع دعوى خلع
وأكملت: "لما بقيت كويسة قررت ابدأ حياتي من جديد وأخذت قرار الانفصال عن زوجي وطلبت الطلاق ولكنه رفضت وهو ما جعلني أتوجه إلى محكمة الأسرة لرفع دعوى خلع ومازالت الدعوى منظورة أمام القضاء".
تابعوا آخر أهل مصر على Google News
