كشف الفنان محمد صلاح آدم عن آخر تفاصيل حالته الصحية بعد تعرضه للإصابة بفيروس كورونا المستجد، بعد ايداعه في إحدى المستشفيات لكي يتماثل الشفاء.
المرض يتمكن من محمد صلاح آدم
وقال الفنان محمد صلاح آدم:' الحمد لله اليوم الـ ١١ في المستشفى بتحسن بفضل ربنا ودعوات المخلصين .. بس لسة الفيروس الحقير موجود في جسمي .. على فكرة كنت كل ماتعب قوي أفتح أشوف دعواتكم على صفحاتكم روحي كانت بترجعلي تاني'.
محمد صلاح آدم يحارب فيروس كورونا بدعوات الجمهور
وتابع محمد صلاح آدم عبر صفحته الرسمية بموقع فيس بوك:'حب الناس حياة ادعولي تكمل على خير من غير أي انتكاسة .. وأخرج واحارب علشان أحقق الحلم اللي مابقاش حلمي لوحدي بقى حلم كل الموهوبين وخريجين الأكاديمية والكليات الفنية برتوكول اكاديمية الفنون ربنا يسعدكم زي ماسعدتوني وطبطبتم على قلبي'.
محمد صلاح آدم يعلن تعرضه لفيروس كورونا
وكشف الفنان محمد صلاح آدم، مساء أمس الأحد عن إصابته بفيروس كورونا المستجد كوفيد 19، عبر حسابه الشخصي على موقع التواصل الاجتماعي فيسبوك.
وقال محمد صلاح آدم : 'بكتبلكم وأنا على سريري في مستشفى صدر العباسية وبعد عمل أشعة مقطعية على الصدر اللي أكدت إني أصيبت بالوباء اللعين وقالولي اتأخرت ليه'.
وتابع آدم حديثه قائلاً : 'يمكن تكون آخر كلمات ليا في الدنيا دي.. اترددت كتير بس لقيت نفسي مش قادر وبكتب لأني حسيت إحساس غريب حسيت اني مش خايف من الموت، أنا خايف أموت قبل ما أشوف النجاح .. استغربت وقولت لنفسي انت مش خايف من الموت؟ قولت والله لا .. أنا خايف أموت قبل ما اشوف نجاحي .. بلدنا بقى الحلم فيها إنك بس تشتغل، أنت بس بتحاول طول الوقت انك تشتغل وتخبط على البيبان وكل البيبان بتتقفل في وشك'.
واختتم حديثه قائلاً : 'شباب في أول عمرهم وشباب بقوا رجال ورجال أصبحوا كهول وبنات وسيدات موهوبين خريجين المعاهد والكليات الفنية وماوقفوش أمام كاميرا.. واللي هاجر واللي اكتأب واللي انتحر.. أجمل ما في الوجود الحلم والطموح وأقبح مافي الوجود عدم تحقيق الحلم أو الطموح ده'.
تابعوا آخر أهل مصر على Google News
