أعربت الفنانة إيمان السيد عن إنزعاجها الشديد من تجاهلها الشديد على عدم تكريمها أو دعوتها من قبل المهرجانات الفنية التي تقام في كل فترة، مشيرة أن حب الجمهور يكفيها عن كل شئ.
وكتبت إيمان السيد عبر حسابها الشخصي بموقع التواصل الإجتماعي فيس بوك: 'أنا حقيقي يكفيني جداً رد الفعل اللي شوفته من الناس طوال رمضان الحمد لله، ومش من مصر فقط بل من كل العالم العربي لدرجة ان في مقالات نقدية كنت بتكسف اشيرها عشان ممكن يكون فيها حاجة تجرح حد من زمايلي (من خارج العمل) وحاجات كتير غير المقالات برضوا كنت مش برضى احتراماً لمشاعر الزملا'.
وأضافت 'السيد': الحمد لله شوفت حب كبير جداً وتعليقات على جروبات مصرية وعربية قالت اللي جوايا من سنين فعرفت ان الحمدلله مش مضطرة أبرر وأحكي لان الناس بتفهم جداً'.
إيمان السيد
وتابعت: 'وبرضو طوال رمضان كنت فاتحة التعليقات لكل الناس اللي مشرفني بوجودهم عندي في قائمة الفولورز وعمري ماشوفت تعليق واحد ضايقني بل بالعكس الحمد لله.. هل بعد كرم ربنا دا كله ممكن يضايقني عدم التقدير: سواء في الصناعة أو الجوايز أو دعوات المهرجانات أو حتى مجرد الترشيح في مهرجان الفضائيات!'.
إيمان السيد ممثلة مصرية، من مواليد القاهرة عام 1980، درست الحقوق بجامعة عين شمس وشاركت فى مسرح الجامعة فى عدة عروض ونالت جائزة أفضل ممثلة على مستوى الجامعات لدورها في مسرحية (سكة السلامة) عام 2001.
تلقت إيمان السيد تعليمها الفني فى استديو مركز الإبداع، ومن أبرز أفلامها (عنتر وبيسة، الدساس، فبراير الأسود)، ومن مسلسلاتها (يوميات زوجة مفروسة أوي، لهفة، حارة المجانين).
تابعوا آخر أهل مصر على Google News
