أثارت الإعلامية مي العيدان جدلا كبيرا خلال الأيام الماضية بسبب نشرها صورة لنجلة أحمد بدير معلقة عليها:"بنت الأقرع طلعت مزة أوي"، الأمر الذي اعتبره الأخير تنمر عليه.
وقال الفنان أحمد بدير في تصريحات خاصة لـ"أهل مصر" أن ما فعلته مي العيدان سوف تحاسب عليه قضائيا وذلك لتنمرها عليه دون وجه حق الأمر الذي تسبب في مشكلة لديه مع جمهوره خاصة أنه فنان كبيرة.
وأشار بدير: "القضاء هو اللي يحكم بينا، ده حق الرد عليها والمحامي بتاعي هيعرف يعمل معاها إيه، هي ردت وقالت أنا عندي ست محامين خلاص أما نشوف هتعرف تخرج نفسها من المشكلة دي إزاي".
وردت سارة بدير عبر حسابها الرسمي بموقع التواصل الاجتماعي"فيسبوك" على سخرية "العيدان" من والدها بإشارة إلى صورة من منشورها على إنستجرام قائلة: "طيب أنا صحيت من النوم النهارده لقيت مصر كلها بعتالي عن بوست أستاذة مي العيدان (الإعلامية!)".
وأضافت: "أنا أسمع عن حضرتك طبعًا وأعرف أنك شخص مشاكس، يعشق التنمر وخصوصا التنمر على الفنانين".
وتابعت: "بس حابة أوضحلك كام حاجة كدة، أولا أنا أبويا نجم كبير من نجوم الوطن العربي ومحدش هيسمحلك تتكلمي عليه نص كلمة، وأعتقد أنك شوفتي ده كفاية في هجوم الوطن العربي كله عليكي اللي أنا نفسي اتفاجئت بيه وبشكر كل الناس اللي ردت غيبتنا".
وقالت سارة بدير: "ثانيًا لو الفنانين بالنسبة لك حياتهم مستباحة فأنا مش فنانة عشان تحطينى معاهم فى جمله مفيدة (مع احترامي لكل الفنانين طبعا)، ثالثًا، أبويا اللي حضرتك بتغلطي فيه ده علمني أرفض التنمر بجميع أشكاله، وحضرتك غلطتي فأنا أكيد مش هسكت".
تابعوا آخر أهل مصر على Google News
