محمود الليثي عن النجاح المزيف: زي القرعة اللي اتباهت بباروكة بنت أختها

أعرب الفنان محمود الليثي عن اندهاشه الشديد من النجاح المزيف، موضحا أن البعض يشترون عددا من المتابعين لتزويد الصفحات الرسمية الخاصة بهم، والبعض الآخر يقوم بشراء عدد من المشاهدات للمسلسل لكي يصبح تريند.

وكتب محمود الليثي عبر حسابه الرسمي بموقع التواصل الاجتماعي فيس بوك:"فكرة النجاح المزيف دي بتجنني، يعني مثلا واحد يشتري فولورز ويحتفل بأول مليون ويشكر جمهوره اللي لا يتعدى نطاق جيرانه ونصهم مش بيطيقوه".

وتابع: "واحد يشتري فيوز ويقولك ترند رقم واحد وعديت الـ مش عارف كام فيو في كام ساعة.. واحدة تشتري ناس تمجد فيها وفي عبقريتها وتشهد بنجاحها وتدافع عنها".

اختتم محمود الليثي: "المشكلة عندي مش في كل ده لأنه نوع من أنواع الماركتينج، المشكلة عندي أنهم بيبقوا مقتنعين باللي هما اشتروه بالفلوس وبيعتبروه حقيقة وبيفرحوا بيه.. بيبقى عامل بالظبط زي القرعة اللي اتباهت بباروكة بنت أختها".