جمل لا تنسى للزعيم عادل إمام في ميلاده.. "الغلابة دايمًا بينضربوا على بطنهم.. قولوا آه"

يحتفل اليوم الاثنين 17 مايو، الزعيم عادل إمام، بعيد ميلاده الـ81، بعد مسيرة فنية طويلة، قدم فيها الكثير والكثير من الأعمال سواء في السينما أو المسرح أو الدراما التليفزيونية، وكل منهم ترك فيه تأثيرًا واضحًا وملحوظًا، فهو الذي استطاع أن يتربع على عرش النجومية ويتصدر الشباك لأكثر من 40 عامًا، ولم يقدم الزعيم فيلمًا إلا وترك من خلاله رسالة مهمة ومؤثرة إلى جمهوره الكبير.

وخلال السطور التالية "أهل مصر" تقدم أهم جمل حوارية قالها الزعيم عادل إمام في أعماله:

1. "أنا زهقت من حياتي.. اللي أبات فيه أصبح فيه.. لازم يكون فيه حل".. من فيلم "عنتر شايل سيفه".

2. "دول ناس ميعرفوش الحلال.. مش هما دول الأكابر اللي طول عمرنا بنقول عليهم إنهم أسيادنا.. وهما ولا أكابر ولا حاجة دول شوية حرامية محدثين نعمة.. من فيلم "المولد".

3. "القانون زي ما بيخدم الحق بيخدم الباطل.. واحنا الباطل بتاعنا لازم يكون قانوني".. من فيلم "طيور الظلام".

4. "القانون لا هيحيي الميت ولا هايوكل جعان.. انتم عاوزين عدالة برجل واحدة بس".. من فيلم "الغول".

5. "الغلابة دايمًا بينضربوا على بطنهم لأن ملهمش ضهر.. وما دام أي حد بيرشح نفسه يبقى أنا أولى".. من فيلم "الواد محروس بتاع الوزير".

6. "لازم تعبروا عن رأيكم قولوا آه.. معالي الوزير الناس عندك أهم شوف ليهم حل".. من فيلم "النوم في العسل".

7. "إحنا في زمن المسخ".. من فيلم "عمارة يعقوبيان".

8. "هحلااام.. هحلاااام".. من فيلم "اللعب مع الكبار".