المشرف العام على التحرير داليا عماد
اعلان

"قال لي تعالي معايا وشتمني بأهلي".. كارولين عزمي تروي تفاصيل تعرضها للتحرش (فيديو)

أهل مصر
كارولين عزمي
كارولين عزمي

كشفت الفنانة كارولين عزمي عبر حسابها بموقع تبادل الصور والفيديوهات انستجرام عن تعرضها للتحرش من قبل أحد الأشخاص وهي تقود سيارتها.

أذى بنات كتير

ونشرت كارولين، مقطع فيديو صورته أثناء الواقعة وعلقت عليه قائلة: "عمري ما شاركت مشكلة تخصني سوشيال ميديا، وباختصار النهاردة كنت في عربيتي وجنبي عربية فيها واحد كسر عليا، وبيكرر الحركة باستظراف، طلعت الموبايل وعملت نفسي بصور اتفاجئت بيقولي بتصوريني يا بنت...".

وتابعت: "اتخضيت وبدأت أصور بجد وهتشوفوا في الفيديو الحركات والشتايم، وبدأ يقولي تعالي ورايا والحقيقة إني مش عارفة أروح واره فين أو كان عايز يعمل إيه، ولأنى اتوترت وخوفت ساعتها مقدرتش أصور ١٪؜ من اللي عمله".

واختتمت: "أنا اتشمت بأهلى بأقذر الشتايم من حد معرفوش ولا عملتله حاجة، أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي".

من ناحية أخرى، تنتظر كارولين عزمي عرض الجزء الثالث من مسلسل "أبو العروسة" من بطولة سيد رجب وسوسن بدر ووفاء صادق، نور محمود، هدير عبد الناصر.