بعد تشابه اسمها مع بطلة مسلسل الكبير أوي.. رحمة أحمد:"مش هغير اسمي"

أوضحت الفنانة رحمة أحمد عبر حسابها الرسمي على موقع التواصل الاجتماعي 'فيسبوك'، الخطأ الذي حدث نتيجة تشابه اسمها مع اسم رحمة أحمد بطلة مسلسل الكبير أوي الجزء السادس، والتي نفت تواجدها في العمل.

وقالت رحمة أحمد، 'طيب يا جماعه و خارج حدود الهزار ولحد دلوقتي بتعامل مع الموضوع على إنه إفيه و هياخد وقته و هيعدي والحقوق هتفضل محفوظه و بغض النظر عن نفسيتي إللي زي الزفت و بحاول أحافظ عليها ع قد ما أقدر'.

وأضافت: 'بس ف رسايل بتجيلي من أصدقاء الزميلة الثانية و فيها إهانه لشخصي و مش بس رسائل ده كمان فى الكومنتات اللي يضطر امسحها عشان عيني ماتشوفهاش و أتضايق كل شويه مع ان٣ الخطاء مش من عندي خالص و علقت مره و اتنين و تلاته من قبل عرض المسلسل حتى'.

وتابعت: 'طبعا لو حد عنده بجنيه تركيز من بدري هيفهم إنها مش مشكلتي،و في ناس من أصدقاء الزميلة بردو تطالبني أغير اسمي الفني لأنها (اشتهرت اكتر مني)و عيب ميصحش المفروض يبقى عندي أنا دم و أغير اسمي'.

اعترضت رحمة على طلب تغير اسمها قائلة:'ربنا يوفقها طبعاً بس ده اسمي و ده طريقي أنا ماشيه فيه من سنين فى شغلانه محدش ساعدني فيها ومش هغير السكه ولا هغير اسمي ولا يزيد ولا ينقص اسم، أسفه الخطأ مش من عندي'.

وختمت حديثها:'حاجه كمان فى محاولات سرقة اكونتات الفيس بوك و الانستجرام فحبيت أوضح علشان لو حصل و أكونتات مبقتش موجوده'.