طبّقت كلامي.. ياسمين عز تعلق على عودة شيرين لحسام حبيب

علقت الإعلامية ياسمين عز، على عودة الفنانة شيرين عبد الوهاب، لزوجها الفنان حسام حبيب، وذلك خلال برنامجها كلام الناس المذاع عبر قناة أم بي سي مصر.

عودة شيرين وحسام حبيب

وقالت ياسمين عز: 'أنا مش جاية أفرح فيكم، ولا أشمت فيكم، أنا جاية أقولكم واحد ليَّا، وصفر ليكم، قلبي مرفرف من الفرحة'.

وأضافت: 'أنا فخورة بشيرين ومبسوطة بيها وقلبي منتعش من الفرحة، بعد عودتها لحسام حبيب، وأنا بسقف ليها لأنها ست أصيلة وقولنا إن الست ملهاش إلا بيت جوزها'.

وأكملت: 'كان نفسي أعمل تسريحة أم العروسة علشان شيرين رجعت لحسام بس قولت ألبس أبيض علشان أحتفل بالخبر ده.. قولنا مفيش كرامة بعد الزواج ومفيش كرامة بين الزوج وزوجته، ونجمة الدنيا شيرين طبقت كلامي وقالتله يا سي حسام واعتذرت لحسام حبيب أمام الوطن العربي كله'.

وواصلت:'شيرين طبقت كلامي بأن الكرامة تكون داخل الدرج بدليل قولها أحنا مش بنطفش أحنا بنعمر واعتذارها لصوتها العالي ولا كرامة بين الرجل ومراته وربنا يرضى على شيرين دنيا وأخرة'.