اتهمت فتاة تدعى 'روان أبو خشم' صناع مسلسل جت سليمة المقرر عرضه خلال موسم دراما رمضان 2023، بطولة الفنانة دنيا سمير غانم، بسرقة فكرتها من رواياتها التي تحمل اسم 'فاكيت أفريب'.
ونشرت روان أبو خشم، مقطع فيديو، عبر حسابها الشخصي على موقع التواصل الاجتماعي 'فيسبوك' تتهم فيه صناع العمل بسرقة فكرتها من رواياتها التي حملت اسم 'فاكيت أفريب'.
وقالت 'روان'، خلال الفيديو: 'أنا روان أبو خشم صاحبة رواية فاكيت أفريب، أنا روايتي اتسرقت وأتعملت مسلسل في رمضان 2023، ومش العادي أن الأفكار تتسرق مش العادي أن المجهود يتسرق ومش عادي أن طموحاتنا تدفن.
وأضافت: 'أنا أول ما شوفت المسلسل كل حاجة أسودت في عيني، أكتب تاني أزاي ولا أكتب تاني ليه أصلا، أكتب عشان روايتي تتسرق تاني وتالت ورابع، ومنظري أيه قدام نفسي وقدام أهلي وحاجاتي بتتسرق، وفي الأخر بتقولوا عايزين شباب مبدع ومثقف، فين الشباب المثقف أصلا وهو بيتسرق، مين هيجيب حقي، يعني ندفن نفسنا، حتى الأفكار بتتسرق'.
رواية فاكيت أفريبووجهت روان أبو خشم، رسالة لـ النائب العام خلال الفيديو قائلة: 'أنا بناشد النائب العام بالفيديو ده، أنا عايزة حقي، أزاي أجيب حقي عشان حتى أظهر قدام نفسي مش ضعيفة، على الأقل أكون جبت ربع التعب اللي تعبته، أنا تعبت فيها كتير جدًا وفي الأخر تتسرق'.
واختتمت: 'هي مش مجرد فكرة أتخدت دا تعب ومجهود وسهر وبحث عشان مطلعش أي حاجة، أحنا بندبح أحياء عشان بس نسعد الناس مستخسرين فينا نسعد نفسنا، أنا بقدم بالفيديو ده بلاغ للنائب العام، أنا عايزه حقي، وهنزل أسكرينات تثبت أن ده حقي وأنا متأكدة أني على حق'.
روان أبو خشم
مسلسل جت سليمة
مسلسل 'جت سليمة' تأليف كريم يوسف، وسامح جمال، وإخراج إسلام خيرى وإنتاج أحمد السبكى، ويشارك في بطولته إلى جانب دنيا سمير غانم، كل من: محمد سلام، سامي مغاوري، شيرين، محمد ثروت، وعدد آخر من الفنانين.
تابعوا آخر أهل مصر على Google News
