ميس حمدان: أنا ومي رجالة نفسنا من صغرنا

قالت الفنانة ميس حمدان: 'أنا بصرف على نفسي من أولى ثانوي، وكنت باشتغل وبصرف على جامعة مي، وكنا بنساعد بعض من البداية ومكانش عندي سند أو ضهر، واحنا رجالة نفسنا لحد دلوقتي'.

ميس حمدان مع أميرة بدر

وتحدثت الفنانة ميس حمدان عقب حلولها ضيفة عبر برنامج 'vip' للإعلامية أميرة بدر حيث قالت : 'تعبت من الحمل ونفسي حد يساعدني ونفسي راجل أسند عليه ولما بشوف المشاكل اللي حوليا بقول أنا كدة احسن' .

وعن المواقف التي مرت بها ميس وكانت ترغب في رجل معها قالت: 'أكتر حاجة كانت التحرش وأنا صغيرة وكانت مرات مش مرة واحدة ، بس اللي بيهون عليا إني أكتشفت إني مش أنا لوحدي طلعت البنات كلها ، وبيكون التحرش من ناس قريبين لنا مثل البواب او السواق او القرايب ولاد العمة والخالة والفكاهاني ومدرسين '.

وأكملت عن معاناتها وهي طفلة صغيرة قالت ميس حمدان 'مرحلة طفولتي كانت وسط صعبة ومش صعبة وكانت بسبب إننا كنا عائلة متماسكة لأقصي درجة أنا وأخوتي البنات وأمي وأدركت صعوبة هذه المرحلة عندما كبرت ، لأنه مهما حد قال وجود الأب مش مهم دة غلط لان وجود الأب أهم حاجة في حياة الأطفال والأم هي اللي بتعاني أكثر من ذلك الموضوع لأنها بتكون لوحدها وتتحمل المسئولية كاملة بمفردها ، أمي بعتبرها إمرة حديدية '.

وأكملت: ' وقت وفاة ولدي كنت عندي سنتين فمش فاكرة له حاجة ببس عدم وجوده أثر عليا محستش بده وأنا صغيرة ولكن لما كبرت حسيت بعدم وجوده وكان نفسي يكون ليا سند وضهر'