مروة صبري لمنتقدي داليا شوقي في سفاح الجيزة: «أنتوا بتدبحوها ده مش نقد»

علقت الإعلامية مروة صبري، على الانتقادات التي تعرضت لها الفنانة داليا شوقي، بسبب أحد مشاهد مسلسل 'سفاح الجيزة.

وقالت مروة صبري خلال برنامجها 'قعدة ستات'، المذاع على شاشة 'القاهرة اليوم': الناس انتقدتها بشكل يجرح بسبب مشهد، وقعدت تقولها أنت مشلولة بتتكلمي كده ليه وأيه الريأكشنات دي، في كل عمل ياجماعة في شخص مسؤول عن ريأكنشز الفنان وده غير المخرج، بيقولها تعمل ايه ومتعملش ايه.

مروة صبري عن داليا شوقي: «متجرحوهاش أنتو كده بتدبحوها يا جماعة»

وتابعت مروة صبري: «قولولها نقد بس بشكل لطيف، متجرحوهاش أنتو كده بتدبحوها يا جماعة، واحد يقولها هو ده تمثيل، الناس اللي بتمثل بتتعب وبتشقى يا جماعة والمشهد اللي بتشوفوه على الشاشة دقيقة ، كإحساس أو تمثيل أو تدريبات على الدور كل ده مش سهل، عشان بجره قلم أو كيبورد تمحوا ده، وتكتبوا روحي أعتزلي او ملكيش في التمثيل ده ميصحش نمحي شغل كامل لمجرد مشهد معجبكمش، متعرفوش ده بيأثر على نفسية الشخص إزاي.

وبرنامج 'قعدة ستات' تقدمه الإعلامية مروة صبري على شاشة 'القاهرة اليوم' يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.