بعد أزمة ياسمين عبد العزيز وأحمد العوضي وشقيقها.. ناهد السباعي: "جتكم القرف"

تصدرت أزمة ياسمين عبد العزيز وشقيقها وائل عبد العزيز والفنان أحمد العوضي، حديث مواقع التواصل الاجتماعي، صباح اليوم الأربعاء 4 مارس، وهاجم عدد من النجوم شقيق ياسمين عبد العزيز بعدما تحدث عنها بالسوء عبر حسابه على 'فيسبوك'، وحرصت الفنانة ناهد السباعي على التعليق دون ذكر أسماء، ولكن الجمهور ربط كلامها بأزمة ياسمين عبد العزيز.

ناهد السباعي عن أزمة ياسمين عبد العزيز

نشرت ناهد السباعي عبر حسابها بموقع الصور والفيديوهات الشهير 'إنستجرام'، الحديث النبوي 'من ستر مسلمًا ستره الله في الدنيا والآخرة'، وكتبت تعليقا على الصورة: 'أنا عمري ما بنزل صورة دينية عشان محدش يتريق عليا ويقول شوف بتمثل التدين وكده، وأنا اصلا بنت عادية جدا بدعي ربنا يكرهني في المعصية'.

وتابعت ناهد السباعي: 'بجد بجد مش قادرة أمسك نفسي يا جماعة أرجوكم ارجوكم بالذات الرجالة بلاش تتكلم على أسرار بيوت الناس وعرضهم وحالهم وشرفهم وعيوبهم و مشاكلهم عشان ده ذنب أكبر من التنمر اللي ترند اليومين دول'.

وأضافت ناهد السباعي: 'اللهم استر عوراتنا وآمن روعاتنا لنا ولكم جميعا يارب، محدش يكتب اسم حد لو سمحتم في الكومنتس عشان حرام برضه ده موضوع بتاعي أنا وأحب أقول لصحابي اللي عملوا فيا كده جتكم الأرف بجد بجد انتوا الاتنين جتكم الأرف كنت فكراكم أخويا وصاحبي! لكن اخيه على الرجالة'.

هجوم شقيق ياسمين عبد العزيز على أحمد العوضي

وكان الفنان وائل عبد العزيز، شن هجومًا على شقيقته الفنانة ياسمين عبد العزيز، بسبب علاقتها بالفنان أحمد العوضى والأنباء التي تثار حول ارتباطهما، وذلك من خلال منشور له عبر حسابه الشخصي على موقع التواصل الاجتماعي 'فيس بوك'.

وقال وائل عبد العزيز بلهجة حادة: 'بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتير بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضية الشغالات مؤخرًا غير قضية الضرب اللى كانت بينك وبين بنت هشام سليم الممثلة الى لبستيها التورته فى وشها'.

رد أحمد العوضي على شقيق ياسمين عبد العزيز

ورد الفنان أحمد العوضي على ما كتبه شقيق ياسمين عبد العزيز، وكتب: 'أنهي بيت اللي أدخله من بابه.. إن كانت هي اللي بتصرف عليك وعلى ابنك اللي مخبيه وراميه وهي بتدفعله مصاريف مدرسته.. باب إيه يابني أدخله هو أنا شفت راجل واقف جنبها.. دي واحده انت مبتعملش حاجة غير إنك بتستنزفها هي ومامتها'.

وتابع: 'باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يا بني أنا من عين شمس منطقة شعبية اتربيت على أن الأخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوة وبیت كويس.. بمجهودي وشغلي مش على عرق واحدة ست.. باب إيه يا حبيبي اللي ادخله وانت أصلا عايش باسمها.. أنا شقيت على حالي بعرقي.. لكن أنت فشلت في كل شيء فشلت كممثل وفشلت كأب وفشلت كأخ وفشلت كبني دم'.