والدة النقيب محمود أبو العز أصغر شهيد في الشرطة: "حياته كلها كانت خدمات للناس"

وجهت أحلام محمد، والدة النقيب الشهيد محمود أبوالعز الذي استشهد خلال عام 2013، التحية لرجال الشرطة المصرية في عيدهم الـ69 قائلا:' كل سنة وكل فرد شرطة بخير وحفظ الله، وكل سنة والرئيس عبد الفتاح السيسي بخير، وأنا بشكره لأنه كرمني في عام المرأة على مستوى الجمهورية لشهداء الشرطة، عام 2017، وفي شهر رمضان السابق زارني في بيتي'.

وتضيف والدة الشهيد في حديثها لـ'أهل مصر'، أن محمود نجلها أصغر اخواته والده توفي وهو كان في أجازة نصف العام الدراسي في الصف الثاني الابتدائي، محمود كان بيحب الشرطة أوي عشان يخدم مصر، وعندي نجلي آخر رئيس مكتب تصاريح العمل، وآخر أستاذ في كلية الشرطة ومصر القديمة تشهد له بذلك، كان طبعه هادئ وبيرضي بأي حاجة لما كبر والتحق بكلية الشرطة كان حياته كلها خدمات للناس، يعني متصور إن هو كان يبقى نائم شوية يجيله تليفون ناس بتتخانق في عين الصيرة يقول ياماما الناس هتموت بعضها، بيحبوني أنا أصالحهم'.

وتواصل حديثها عن اللحظات الأخيرة في حياة نجلها: كان بيختار الفترة المسائية أقول له النهاردة المجرمين بالليل وقطاع الطرق كلهم بالليل حتى كنت بقول لشقيقه اللي هو دلوقتي رئيس مباحث الجيزة كنت هاقول له قول اخوك اهدي شويه الفتره كلها قلق يقول لي ده شغل يا ماما وده مختار كده ابدا شغل واحنا كده اولادنا مخلصين في عملهم الحمد لله كلهم